ក្រុមហ៊ុន OnePlus ត្រូវបានគេរំពឹងថា នឹងបង្ហាញនូវកាសស្តាប់ TWS ដំបូងបំផុតរបស់ខ្លួននៅក្នុងខែកក្កដានេះជាមួយនឹងស្មាតហ្វូនថ្នាក់កណ្តាល OnePlus Z។ ការបែកធ្លាយនេះ ក៏មានការទម្លាយអំពីឈ្មោះផ្លូវការរបស់កាសស្តាប់នេះផងដែរ។ ប្រភពដែលបែកធ្លាយនេះ គឺចេញពីអ្នកទម្លាយ ដែលជាជនជាតិក្រាហ្វិក និងជាអ្នកឌីស្សាញផងដែរ។ លោកមានឈ្មោះថា @maxJmb។ លោកបាននិយាយថា កាសស្តាប់នេះ នឹងបង្ហាញខ្លួននៅក្នុងខែកក្កដានេះ។
តាមការបញ្ជាក់នៅក្នុងការបែកធ្លាយចុងក្រោយបំផុតរបស់គាត់ កាសស្តាប់ TWS នេះនឹងមានឈ្មោះហៅថា “Buds”ឬ OnePlus Buds មិនមែនឈ្មោះហៅថា “Bullets” នោះទេ។ ការបែកធ្លាយនេះ ក៏មានការបង្ហាញអំពីគំនូសព្រាងរបស់កាសស្តាប់នេះផងដែរ ដែលមានការឌីស្សាញដូចទៅនឹងកាសស្តាប់ AirPods របស់ក្រុមហ៊ុន Apple ។ វាមានអេក្រង់ LED នៅផ្នែកខាងមុខដែលបង្ហាញនៅពេលដែលបញ្ចូលថាមពល។ យើងរំពឹងថា កាសស្តាប់ OnePlus Buds នេះ នឹងមានការទ្រទ្រង់ជាមួយនឹង touch controls, Google Assistant និងងាយស្រួលក្នុងការភ្ជាប់ជាមួយនឹងឧបករណ៍ជាច្រើនទៀតរបស់ OnePlus ។
សម្រាប់ព័ត៌មានលម្អិតនៃថាមពលថ្ម និងតម្លៃរបស់វា គឺនៅមិនទាន់ដឹងនៅឡើយទេ ប៉ុន្តែវានឹងបង្ហាញខ្លួននៅខែក្រោយនេះ។ ក្រុមហ៊ុន OnePlus ក៏មានកាសស្តាប់ Bluetooth ជាច្រើនទៀតផងដែរនោះ គឺម៉ូឌែល Oneplus Bullets Wireless Z ដែលនេះគឺជាកាសស្តាប់ដែលមានខ្សែដែលមានរន្ធដោត 3.5mm និង USB-C connectors ភ្ជាប់មកជាមួយទៀតផង៕