no-alternative title
no-alternative title
no-alternative title
no-alternative title
no-alternative title
no-alternative title

ក្រុមហ៊ុន Xiaomi ទើបតែរកបានប្រធានផ្នែកទីផ្សារថ្មីរបស់ខ្លួន ដែលលោកគឺជាអ្នកដែលមានបទពិសោធន៍ និងជោគជ័យបំផុតនៅក្នុងឧស្សាហកម្មស្មាតហ្វូន

ថ្មីៗនេះ ក្រុមហ៊ុន Xiaomi ទើបតែតែងតាំងលោក Yang Zhe ធ្វើជាប្រធានផ្នែកទីផ្សារ (CMO) សម្រាប់ប្រទេសចិន។ ក្រុមហ៊ុននេះ បានប្រកាសជាផ្លូវការនៅលើគណនី Weibo របស់ខ្លួន។ លោក Mr Yang គឺជាបុគ្គលដែលមានកេរ្តិ៍ឈ្មោះល្បីល្បាញនៅក្នុងឧស្សាហកម្មស្មាតហ្វូន។ ការងារចុងក្រោយរបស់គាត់គឺនៅក្នុងក្រុមហ៊ុន Meizu ដែលគាត់ទទួលខុសត្រូវផ្នែកទីផ្សារ ហើយគាត់គឺជាអនុប្រធានរបស់ក្រុមហ៊ុនបច្ចេកវិទ្យានេះថែមទៀតផង។

 

no-alternative title

លោក Yang Zhe បានធ្វើការនៅក្នុងក្រុមហ៊ុនស្មាតហ្វូនជាច្រើនដូចជាក្រុមហ៊ុន Samsung និង Huawei ផងដែរ។ គាត់គឺជាអ្នកផ្តើមគំនិតក្នុងការធ្វើទីផ្សារទៅលើស្មាតហ្វូន Huawei Mate 7, P7 និង P8។ ក្រោយមក គាត់ក៏ទៅធ្វើការនៅក្រុមហ៊ុន TCL បានរយៈពេល 1 ឆ្នាំកន្លះ ហើយក៏ចាកចេញពីក្រុមហ៊ុននេះទៅធ្វើការនៅក្រុមហ៊ុន Meizu នៅក្នុងខែឧសភា ឆ្នាំ 2017។ ប៉ុន្តែយើងនៅមិនទាន់ច្បាស់នោះទេថា លោក Yang បានលាឈប់ពីក្រុមហ៊ុនចាស់របស់ខ្លួនរួចហើយឬនៅ។ វាមិនទាន់មានព័ត៌មានអំពីរូបគាត់នោះទេរហូតមកទល់ពេលនេះ។

ពាក្យចចាមអារ៉ាមជាច្រើនបញ្ជាក់ថា ក្រុមហ៊ុន Yang Zhe បានចូលរួមជាមួយនឹងក្រុមហ៊ុន Xiaomi រួចរាល់ហើយមុនពេលដែលវាមានការប្រកាសបង្ហាញជាផ្លូវការនៅលើ Weibo។ គាត់ក៏ត្រូវធ្វើទីផ្សារនៅលើស្មាតហ្វូនថ្នាក់កណ្តាល និងថ្នាក់ខ្ពស់របស់ក្រុមហ៊ុន Xiaomi ផងដែរ។ លោក Yang មិនមែនជាមនុស្សតែម្នាក់គត់ដែលចូលរួមជាមួយនឹងក្រុមហ៊ុន Xiaomi នោះទេ។ កាលពីដើមឆ្នាំនេះ លោក Chang Cheng អនុប្រធាន និងប្រធានផ្នែកទូរស័ព្ទចល័តរបស់ក្រុមហ៊ុន Lenovo Group ក៏ក្លាយជាអនុប្រធានរបស់ក្រុមហ៊ុន Xiaomi ផងដែរ។ កាលពីឆ្នាំមុននេះ លោក Lu Weibing អនុប្រធានរបស់ក្រុមហ៊ុន Gionee ក៏ក្លាយជាអ្នកគ្រប់គ្រងទូទៅរបស់ម៉ាកយីហោ Redmi និងអនុប្រធានរបស់ក្រុមហ៊ុន Xiaomi ផងដែរ៕

 

no-alternative title

no-alternative title
ព័ត៌មានពាណិជ្ជកម្ម