កាលពីម្សិលមិញនេះ ស្មាតហ្វូន Redmi 10X 5G និង 4G ត្រូវបានក្រុមហ៊ុនប្រកាសដាក់លក់ជាលើកដំបូង នៅក្នុងប្រទេសចិន ហើយយោងតាមការបង្ហោះនៅលើ Weibo បានបញ្ជាក់ថា ស្មាតហ្វូននេះ អាចលក់បានចំនួន 100 លានយ័ន នៅក្នុងរយៈពេលត្រឹមតែ 5 នាទីប៉ុណ្ណោះ។ នេះពិតជាតួរលេខដែលទាក់ទាញមែនទែនសម្រាប់ការលក់ផលិតផលថ្មីនៅក្នុងរយៈពេលតែប៉ន្មាននាទី។
ក្រុមហ៊ុន Redmi បានបង្ហាញនូវស្មាតហ្វូន Redmi 10X series ដែលក្នុងនោះមានម៉ូឌែល Redmi 10X 4G, Redmi 10X 5G និង Redmi 10X Pro 5G ។ យ៉ាងណាមិញ គឺមានតែ 2 ម៉ូឌែលប៉ុណ្ណោះរបស់ស្មាតហ្វូននេះ ដែលបានដាក់លក់នៅលើអនឡាញ។ សម្រាប់ម៉ូឌែល Proគ្រោងនឹងដាកលក់នៅថ្ងៃទី 6 ខែមិថុនាខាងមុខនេះ។ Redmi 10X / 10X Pro 5G បានក្លាយជាស្មាតហ្វូនដែលមានតម្លៃសមរម្យបំផុត។ ស្មាតហ្វូននេះគឺជាម៉ូឌែលស៊េរីថ្មីដែលបំពាក់នូវលក្ខណៈសម្បត្តិជាច្រើនដែលអ្នកប្រើប្រាស់ត្រូវការខ្លាំងនៅក្នុងឆ្នាំ 2020 នេះ។
ស្មាតហ្វូនទាំងពីរនេះគឺមានអេក្រង់ AMOLED បន្ទះឈីបចុងក្រោយបំផុត MediaTek Dimensity 820 7nm chipset, dual SIM 5G connectivity បច្ចេកវិទ្យាស្កេនក្រយ៉ៅដៃក្រោមអេក្រង់ រន្ធដោតកាសស្តាប់ 3.5mm headphone jack, IR blaster, microSD card slotនិងបច្ចេកវិទ្យាបញ្ចូលថាមពលថ្មលឿនថែមទៀត។ ស្មាតហ្វូន Redmi 10X 5G ដាក់លក់កាលពីម្សិលមិញនេះគឺមាន 4 ទំហំ។
•6GB + 64GB មានតម្លៃ 1,599 yuan ($225)
•6GB + 128GB មានតម្លៃ 1,799 yuan ($253)
•8GB + 128GB មានតម្លៃ 2,099 yuan ($295)
•8GB + 256GB មានតម្លៃ 2,399 yuan ($337)
ស្មាតហ្វូន Redmi 10X Pro 5G ដែលគ្រោងដាក់លក់នៅថ្ងៃទី 6 ខែមិថុនាខាងមុខនេះមានពីរទំហំ។
•8GB + 128GBមានតម្លៃ 2,399 Yuan ($337)
•8GB + 256GBមានតម្លៃ 2,599 Yuan ($365)
ស្មាតហ្វូន Redmi 10X 4G ក៏មានពីរទំហំសម្រាប់ធ្វើការជ្រើសរើសផងដែរ។
•4GB + 128GB មានតម្លៃ 999 Yuan ($140)
•6GB + 128GB មានតម្លៃ 1,199 Yuan ($169)
