ក្រុមហ៊ុន Huawei បានបង្ហាញនូវស្មាតហ្វូនលំដាប់ថវិការបស់ខ្លួនមួយ នៅទីផ្សារប្រទេសជប៉ុន ដែលស្មាតហ្វូននេះ មានឈ្មោះហៅថា Nova Lite 3 Plus និងមានភ្ជាប់ជាមួយនឹងសេវាកម្ម GMS (Google Mobile Services) ថែមទៀតផង។ ស្មាតហ្វូននេះ គឺជាម៉ូឌែល Rebrand របស់ស្មាតហ្វូន P Smart 2020 ដែលបានបង្ហាញខ្លួននៅក្នុងទីផ្សាររបស់អ៊ឺរ៉ុបកាលពីដើមខែកន្លងទៅនេះ។
ស្មាតហ្វូន Huawei Nova Lite 3 Plus នេះគឺប្រើប្រាស់នូវបន្ទះឈីប Kirin 710 SoC ជាមួយនឹងរ៉េមទំហំ 4GB RAM និង 128GB ROM ។ ម៉េមូរីក្នុងម៉ាស៊ីនរបស់ស្មាតហ្វូននេះអាចបន្ថែមបានចំនួន 512GB តាមរយៈកាត microSD។ ស្មាតហ្វូននេះគឺមានអេក្រង់ទំហំ 6.21-inch FHD+ (1080x2340 pixels) LCD ជាមួយនឹងអេក្រង់ dewdrop notch សម្រាប់កាមេរ៉ាខាងមុខទំហំ 8MP selfie ។ ផ្នែកខាងក្រោយរបស់ស្មាតហ្វូននេះគឺមានកាមេរ៉ាភ្លោះដែលមានទំហំ 13MP និង 2MP depth sensor។ ផ្នែកខាងក្រោយរបស់ស្មាតហ្វូននេះក៏មានប្រព័ន្ធស្កេនក្រយ៉ៅដៃផងដែរ។
សម្រាប់មុខងារជាច្រើនទៀតរបស់ស្មាតហ្វូននេះគឺមានដូចជា 4G, VoLTE, WiFi 5, Bluetooth 4.2, GPS (A-GPS, GLONASS, BeiDou), NFC, 3.5mm headphone jack, MicroUSB port, ambient light sensor, compass, proximity sensorនិង accelerometer ។ ស្មាតហ្វូននេះ គឺមានថាមពលថ្មទំហំ 3,400 mAh និងទ្រទ្រង់នូវបច្ចេកវិទ្យា 10W charging ផងដែរ។ ស្មាតហ្វូន Huawei Nova Lite 3 Plus នេះ គឺមាន EMUI 9.1 ដែលផ្អែកនៅលើ Android Pie នៅក្នុងឆ្នាំ ២០២០ នេះ។ នេះគឺជាហេតុផលដែលវានៅអាចដំណើរការនូវ GMS បាន។ ស្មាតហ្វូននេះ គឺមានតម្លៃ 24,800 Yen ($231) ហើយវា មានពីរពណ៌គឺ Aurora Blue និង Midnight Black ។ ទាក់ទងទៅនឹងព័ត៌មាននេះ គឺនៅមិនទាន់ច្បាស់នោះទេថា ស្មាតហ្វូននេះ នឹងដាក់លក់នៅក្រៅទីផ្សាររបស់ជប៉ុនជាមួយនឹងឈ្មោះដូចគ្នាឬយ៉ាងណានោះ៕