ទីផ្សារស្មាតហ្វូន គឺមានការវិវត្តន៍យ៉ាងខ្លាំងនៅក្នុងរយៈពេលប៉ុន្មានឆ្នាំនេះ។ ការកើនឡើងនៃស្មាតហ្វូនថ្នាក់ប្រណិតជាមួយនឹងការប្រកាសបង្ហាញនូវស្មាតហ្វូន iPhone X បានផ្លាស់ប្តូរនូវទិដ្ឋភាពរបស់ពិភពលោកទាំងមូល។ មនុស្សមួយចំនួនចាប់ផ្តើមហៅស្មាតហ្វូននេះថា ជាស្មាតហ្វូនថ្នាក់ប្រណិតដែលមានតម្លៃសមរម្យ។ នៅក្នុងរបាយការណ៍ចុងក្រោយបំផុតរបស់ក្រុមហ៊ុន Counterpoint Research សម្រាប់ទីផ្សាររបស់ប្រទេសកូរ៉េខាងត្បូងនោះ គឺមានការបង្ហាញអំពីនិន្នាការនេះយ៉ាងច្បាស់។
នៅក្នុងរយៈពេលជាច្រើនឆ្នាំនេះស្មាតហ្វូន Galaxy S Series និងស្មាតហ្វូន Galaxy Note Series របស់ក្រុមហ៊ុន Samsung បានក្លាយជាស្មាតហ្វូណដែលលក់ដាច់ខ្លាំងបំផុតនៅក្នុងប្រទេសកូរ៉េខាងត្បូង។ ប៉ុន្តែពេលនេះ វាក៏មានការផ្លាស់ប្តូរផងដែរ ហើយវាក៏មានផលប៉ះពាល់នៅក្នុងត្រីមាសទី 1 ឆ្នាំ 2020 នេះ បើតាមការលក់ស្មាតហ្វូនដែលក្រុមហ៊ុន Counterpoint Research សម្រាប់ប្រទេសកូរ៉េខាងត្បូងនេះ។ ស្មាតហ្វូនដែលលក់ដាច់ខ្លាំងបំផុតនេះ នៅក្នុងរយៈពេលនេះ គឺជាស្មាតហ្វូន Galaxy A90 5G ដែលមានតម្លៃ $453 បើធៀបជាមួយនឹងស្មាតហ្វូន Galaxy Note 9 ដែលមានតម្លៃ $806 នៅក្នុងត្រីមាសទី 1 ឆ្នាំ 2019 នេះ។
ស្មាតហ្វូនដែលលក់ដាច់ខ្លាំងបំផុតទី 2 របស់ក្រុមហ៊ុន Samsung នេះ គឺជាស្មាតហ្វូន Galaxy Note 10 5G ដែលមានតម្លៃ $941 ហើយស្មាតហ្វូនចំណាត់ថ្នាក់ទី 5 នោះគឺជាស្មាតហ្វូន Galaxy Note 10 Plus 5G។ សម្រាប់និន្នាការនេះ គឺមានការកត់សម្គាល់ខ្លាំងចាប់ពីឆ្នាំ 2018 នៅពេលដែលស្មាតហ្វូនត្រកូល Galaxy S និង Note Series បោះបង់នូវស្មាតហ្វូនលំដាប់ថវិកា និងស្មាតហ្វូនថ្នាក់កណ្តាលរបស់ខ្លួនរួចមកនោះ។ ទោះបីជាតម្លៃលក់ជាមធ្យមរបស់ស្មាតហ្វូនជាច្រើន នៅក្នុងប្រទេសកូរ៉េខាងត្បូង មានការកើនឡើងក៏ដោយកាលពីឆ្នាំមុននេះ ទីផ្សារស្មាតហ្វូននេះ ក៏មានការធ្លាក់ចុះផងដែរ នៅក្នុងត្រីមាសទី 1 ឆ្នាំ 2020 នេះ។
តម្លៃរបស់ស្មាតហ្វូនថ្នាក់ប្រណិតគឺមានការកើនឡើងខ្លាំងនៅក្នុងរយៈពេលប៉ុន្មានឆ្នាំមុននេះ។ ប៉ុន្តែមិនមែនគ្រប់ក្រុមហ៊ុនទាំងអស់សុទ្ធតែជាអ្នកឈ្នះនោះទេ។ នៅក្នុងឆ្នាំនេះ ក្រុមហ៊ុន LG បោះបង់ចោលនូវស្មាតហ្វូនត្រកូល G និង V របស់ខ្លួនជាមួយនឹងម៉ូឌែលថ្មី Velvet series ដែលមានតម្លៃប្រហែលជា $730 ។ ក្រុមហ៊ុន Apple ក៏បានបង្ហាញនូវស្មាតហ្វូន iPhone SE 2020 គឺមានតម្លៃដល់ទៅ $450 ហើយនេះគឺជាស្មាតហ្វូនដែលមានតម្លៃថោកបំផុតនៅក្នុងរយៈពេលប៉ុន្មានឆ្នាំនេះ៕
