នៅថ្ងៃនេះ មានការបែកធ្លាយសាជាថ្មីនូវលក្ខណៈសម្បត្តិជាច្រើនរបស់ស្មាតហ្វូន OPPO Reno4 និង Reno4 Pro នៅលើអនឡាញ ដែលទិន្នន័យនេះ គឺមានការបញ្ជាក់ដោយ TENAA នៅក្នុងប្រទេសចិនទៀតផង។ ស្មាតហ្វូនទាំងពីរម៉ូឌែលនេះគ្រោងនឹងបង្ហាញខ្លួននៅថ្ងៃទី 5 ខែមិថុនាខាងមុខនេះ។ រូបភាពរបស់ស្មាតហ្វូន Reno4 Pro ក៏មានការបែកធ្លាយជាច្រើនសន្លឹកផងដែរ។ពេលនេះ អ្នកទម្លាយព័ត៌មានម្នាក់ចេញពីប្រទេសចិនក៏បានចែករំលែកនូវរូបភាពរបស់ស្មាតហ្វូន Reno4 ជាមួយនឹងលក្ខណៈសំខាន់ៗរបស់ស្មាតហ្វូននេះផងដែរ។
ស្មាតហ្វូន OPPO Reno4 នេះមានរន្ធប្រហោង punch-hole នៅគែមផ្នែកខាងឆ្វេងនៃអេក្រង់របស់វា។ វាមានកាមេរ៉ាខាងមុខដែលមានទំហំ 32MP។ ទំហំអេក្រង់របស់ស្មាតហ្វូននេះគឺ 6.5 អ៊ីង ជាមួយនឹងកម្រិតភាពច្បាស់កម្រិត Full HD+។សម្រាប់ម៉ូឌែលមួយទៀតគឺមានអេក្រង់ទំហំ 6.43 អ៊ីង និងមានកាមេរ៉ាភ្លោះដែលមានទំហំ 32MP និង 2MP។ អេក្រង់របស់ម៉ូឌែល Pro នេះគឺមានកម្រិត 90Hz refresh rate ។ នៅគែមផ្នែកខាងឆ្វេងរបស់ស្មាតហ្វូន OPPO Reno4 នេះគឺជាប៊ូតុងឡើងចុះសំឡេង។ វាមានប៊ូតុង Power នៅគែមផ្នែកខាងស្តាំរបស់វា។ ស្មាតហ្វូននេះគឺមានវិមាត្រ 159.3x74x7.8 មម និងទម្ងន់ 183 ក្រាម។ សម្រាប់ម៉ូឌែល OPPO Reno4 Pro គឺមានវិមាត្រ 159.6x72.5x7.6 មម និងទម្ងន់ 172 ក្រាម ។
ស្មាតហ្វូន Reno4 និង Reno4 Pro គឺមានបន្ទះឈីប Snapdragon 765G mobile platform និងមានថាមពលថ្មទំហំ 4,000mAh និងបច្ចេកវិទ្យាបញ្ចូលថាមពលថ្មលឿន 65W fast charging ថែមទៀត។ ស្មាតហ្វូននេះ គឺមានកាមេរ៉ាខាងក្រោយ 3 គ្រាប់។ ស្មាតហ្វូន Reno4 នេះមានកាមេរ៉ាដែលមានទំហំ 48MP, 8MP, 2MP។ សម្រាប់ម៉ូឌែល Pro គឺមានទំហំ 48MP ជាមួយនឹងមុខងារ OIS និង 12MP និង 13MP៕