ថ្មីៗននេះ អ្នកទម្លាយព័ត៌មានដ៏ល្បីល្បាញរបស់ចិន Digital Chat Station បានទម្លាយនៅលើបណ្តាញសង្គម Weibo របសខ្លួន ដោយបានរាយការណ៍អំពីលក្ខណៈសម្បត្តិថ្មីៗជាច្រើនអំពីបន្ទះឈីប Snapdragon 875 ហើយស្មាតហ្វូនលេងហ្គេមជាច្រើនទៀត នាពេលខាងមុខ គឺប្រើប្រាស់នូវបន្ទះឈីបនេះ។ ប្រភពខាងក្នុងនេះ ក៏ជាអ្នកទម្លាយព័ត៌មានរបស់ស្មាតហ្វូន Mi 10 និង Mi 10 Pro ផងដែរ។
តាមការបញ្ជាក់របស់អ្នកផ្តល់ព័ត៌មាននេះ មុខងារមួយនៅក្នុងចំណោមមុខងារសំខាន់ៗជាច្រើនរបស់ស្មាតហ្វូននេះគឺមានបន្ទះឈីប Snapdragon 875 SoC ដែលនឹងមានបច្ចេកវិទ្យាបញ្ចូលថាមពលថ្មដល់ទៅ 100 watts ផងដែរ។ ក្រុមហ៊ុនផលិតស្មាតហ្វូនលេងហ្គេម 3 ក្នុងចំនោមក្រុមហ៊ុនផលិតស្មាតហ្វូនលេងហ្គេមចំនួន 4 នៅក្នុងប្រទេសចិនក៏កំពុងតែធ្វើការតេស្ត និងប្រើប្រាស់នូវបច្ចេកវិទ្យាបញ្ចូលថាមពលថ្មដែលមានល្បឿនដល់ទៅ 100 watts ។ ស្មាតហ្វូនលេងហ្គេមជាច្រើននៅក្នុងឆ្នាំ 2021 នេះ នឹងមានថាមពលថ្មធំ និងបច្ចេកវិទ្យាបញ្ចូលថាមពលថ្មដែលមានទំហំ 100 watts ផងដែរ។
ប្រភពខាងក្នុងនេះមិនទាន់មានបង្ហាញនូវឈ្មោះរបស់ក្រុមហ៊ុនទាំងនេះទេ។ ប៉ុន្តែសម្រាប់ក្រុមហ៊ុនដែលនាំមុខគេនៅលើទីផ្សារនោះគឺមានក្រុមហ៊ុន Xiaomi, Vivo និង Oppo ដែលប្រើប្រាស់នូវបន្ទះឈីប Qualcomm’s SoC នេះ។ តាមការបញ្ជាក់របស់ទិន្នន័យជាច្រើននោះ ម៉ូឌែលជាច្រើនប្រើប្រាស់នូវបន្ទះឈីប Snapdragon 875 នឹងមានការកើនឡើងនៃតម្លៃ។ បន្ថែមពីនេះទៀតនោះ ក្រុមហ៊ុនផលិតជាច្រើននឹងដោះស្រាយទៅលើបញ្ហានៃការកើនឡើងកំដៅនៅក្នុងពេលប្រើប្រាស់នូវបច្ចេកវិទ្យាថាមពលថ្មខ្ពស់បែបនេះ។
ក្រុមហ៊ុនផលិតបន្ទះឈីបមួយនៅក្នុងចំណោមក្រុមហ៊ុនផលិតបន្ទះឈីបជាច្រើននោះគឺក្រុមហ៊ុន Qualcomm ។ក្រុមហ៊ុនផលិតស្មាតហ្វូន Android ជាច្រើនប្រើប្រាស់នូវបន្ទះឈីប Snapdragon chipsets ដោយសារតែកេរ្តិ៍ឈ្មោះរបស់ក្រុមហ៊ុននេះ។ សម្រាប់បន្ទះឈីប Snapdragon 800 series គឺដំណើរការល្អមែនទែនសម្រាប់ស្មាតហ្វូន Android ជាច្រើន។ ថ្មីៗនេះ បន្ទះឈីប Snapdragon 865 គឺជាបន្ទះឈីបចុងក្រោយបំផុត។ នៅក្នុងឆ្នាំនេះ យើងបានឃើញតម្លៃកើនឡើងខ្លាំងរបស់ស្មាតហ្វូន flagship Android ។ ហេតុផលនៅពីក្រោយការកើនឡើងនៃតម្លៃនេះគឺដោយសារតែ 5G modems ។
យោងទៅតាមរបាយការណ៍ថ្មីនេះ តម្លៃរបស់បន្ទះឈីប Snapdragon 875 នេះ មានតម្លៃថ្លៃជាងបន្ទះឈីប Snapdragon 865 ។សម្រាប់បន្ទះឈីប Snapdragon 875 នឹងមានតម្លៃប្រហែលជា $250។ សម្រាប់បន្ទះឈីប Snapdragon 865 គឺមានតម្លៃចន្លោះពី $150 – $160 ៕
