យោងតាមការចេញផ្សាយរបស់សារព័ត៌មានបរទេសកាលពីម្សិលមិញនេះ បានអោយដឹងថា ក្រុមហ៊ុន Samsung បានចាប់ផ្តើមគម្រោងរបស់ខ្លួនសម្រាប់ឆ្នាំក្រោយនេះហើយ។ តាមការបញ្ជាក់នៅក្នុងរបាយការណ៍ថ្មីនេះ បានបបង្ហញថា ក្រុមហ៊ុនបច្ចេកវិទ្យា Samsung ហាក់ដូចជាកំពុងតែធ្វើការក្នុងការនាំយកនូវម៉ូឌែលស្មាតហ្វូន 5G ថ្មីៗកាន់តែសច្រើនថែមទៀតសម្រាប់ទីផ្សារផលិតផលថ្មីរបស់ខ្លួន។ គួរបញ្ជាក់ថា គឺជា Galaxy S10 5G ស្មាតហ្វូន 5G ដំបូងបំផុតរបស់ក្រុមហ៊ុននេះ បន្ទាប់មកក៏មានស្មាតហ្វូន Galaxy Note 10 និង Galaxy S20។ ក្រៅពីស្មាតហ្វូន Flagship ទាំងនេះ ក្រុមហ៊ុន Samsung ក៏នាំយកនូវបច្ចេកវិទ្យា 5G សម្រាប់ស្មាតហ្វូនថ្នាក់កណ្តាលនោះគឺស្មាតហ្វូន Galaxy A51 និង Galaxy A71 ផងដែរ។
នៅពេលនេះ ក្រុមហ៊ុន Samsung មានគម្រោងក្នុងការនាំយកនូវស្មាតហ្វូនថ្មីដែលមានតម្លៃថោកជាងមុនផងដែរ។ នៅក្នុងរបាយការណ៍នេះ បានបង្ហាញថា ក្រុមហ៊ុន Samsung នេះក៏ធ្វើការនៅលើស្មាតហ្វូន 5G របស់ខ្លួនដែលមានលេខម៉ូឌែល SM-A426B។ ស្មាតហ្វូននេះ គ្រោងនឹងបង្ហាញខ្លួនសម្រាប់ទីផ្សារអន្តរជាតិ ដែលមានឈ្មោះថា គឺជាស្មាតហ្វូន Galaxy A42 5G។ ស្មាតហ្វូននេះ គ្រោងនឹងបង្ហាញខ្លួននៅក្នុងឆ្នាំ 2021 ខាងមុខនេះ។ នៅក្នុងខណៈពេលនេះ នៅមិនទាន់មានការបញ្ជាក់អំពីម៉ូឌែល LTE នៅឡើយទេ។
ក្រុមហ៊ុន Samsung ក៏បានត្រៀមក្នុងការនាំយកនូវស្មាតហ្វូន Galaxy 5G ដែលមានតម្លៃថោកជាងមុនសម្រាប់អតិថិជនផងដែរ។ សម្រាប់ម៉ូឌែល LTE អាចនឹងបង្ហាញខ្លួនជាផ្លូវការផងដែរ។ របាយការណ៍នេះបញ្ជាក់ថា ស្មាតហ្វូននេះនឹងបង្ហាញខ្លួនសម្រាប់ទីផ្សារអន្តរជាតិជាមួយនឹងម៉េមូរីទំហំ 128GB។ ស្មាតហ្វូននេះ នឹងមាន 3 ពណ៌ក្នុងការជ្រើសរើស គឺពណ៌ប្រផេះ ខ្មៅ និងស។ យើងនៅមិនទាន់ដឹងច្រើនអំពីស្មាតហ្វូននេះ នៅឡើយទេ ប៉ុន្តែព័ត៌មានជាច្រើនរបស់ស្មាតហ្វូននេះ នឹងទម្លាយនៅចុងឆ្នាំនេះ ជាក់ជាមិនខាន។
សូមជំរាបថា នៅពេលដ៏ខ្លីខាងមុខនេះ ក្រុមហ៊ុន Samsung នេះ ក៏ត្រៀមខ្លួនក្នុងការរៀបចំនូវព្រឹត្តិការណ៍ Galaxy Unpacked។ ព្រឹត្តិការណ៍នេះនឹងធ្វើឡើងនៅថ្ងៃទី 5 ខែសីហាខាងមុខនេះ។ យើងនឹងឃើញនូវស្មាតហ្វូនជាច្រើនម៉ូឌែលដូចជា Galaxy Note 20, Galaxy Fold 2, Galaxy Z Flip 5G, Galaxy Watch 3 និងជាច្រើនទៀត។ ក្រុមហ៊ុន Samsung ក៏មានគម្រោងក្នុងការបញ្ចេញនូវស្មាតហ្វូនដែលអាចបត់បានដែលមានឈ្មោះហៅថា Galaxy Fold Lite នៅឆ្នាំក្រោយនេះផងដែរ៕