PlayerUnknown’s Battleground Mobile ឬ PUBG Mobile បានរកប្រាក់ចំណូលបានចំនួន 3 ពាន់លានដុល្លារអាមេរិកហើយចាប់តាំងពីការដំណើរការហ្គេមនេះ។ ហ្គេមអនឡាញដ៏ពេញនិយមនេះគឺទទួលបានជោគជ័យខ្លាំងមែនទែនសម្រាប់ទីផ្សារសកលនេះ ហើយនៅក្នុងឆ្នាំ 2020 នេះ ហ្គេមនេះ រកប្រាក់ចំណូលបានដល់ទៅ 1.3 ពាន់លានដុល្លារអាមេរិក។
នៅក្នុងរបាយការណ៍មួយរបស់ Sensor Tower នោះ ហ្គេម PUBG Mobile នេះគឺគ្របដណ្តប់ទៅលើទីផ្សារហ្គេមប្រភេទ battle royale genre ។ ហ្គេមនេះរកប្រាក់ចំណូលច្រើនជាងហ្គេម Garena Free Fire ដល់ទៅ 4 ដង។ ហ្គេមនេះគឺជាកម្មសិទ្ធិរបស់ Bluehole ដែលមានការដោនឡូតច្រើនជាង 734 លានដោនឡូតនៅជុំវិញពិភពលោកផងដែរ។ ហ្គេមនេះមានអ្នកលេងចំនួន 24% នៅក្នុងប្រទេសឥណ្ឌា ខណៈពេលដែលនៅចិនមានចំនួនអ្នកលេង 16.7% និងនៅក្នុងសហរដ្ឋអាមេរិកមានអ្នកលេងចំនួន 6.4%។
បើទោះបីជាត្រូវចំណាយទឹកប្រាក់ក៏ដោយនោះ អ្នកលេងនៅក្នុងប្រទេសចិនគឺមានចំនួនដល់ទៅ 52% នៃប្រាក់ចំណូលសរុប សហរដ្ឋអាមេរិក គឺមានចំណាត់ថ្នាក់លេខ 2 ជាមួយនឹង 14% ហើយជប៉ុនជាប់លេខ ៣ ជាមួយនឹង 5.6% ។ បន្ថែមពីនេះទៀតនោះ Apple App Store គឺមានចំនួនដល់ទៅ 79% ដែលអ្នកលេងហ្គេមបានចំណាយទឹកប្រាក់ និង Google Play មានចំនួន 65% នៃការដោនឡូតទាំងអស់។ សម្រាប់ហ្គេមអនឡាញនេះក៏មានការបន្ថែមនូវមុខងារថ្មីៗជាច្រើនផងដែរ។
នៅក្នុងខណៈពេលដែលមានវិបត្តិនេះ ការស្នាក់នៅផ្ទះ ឬការធ្វើការងារពីផ្ទះក្លាយជារបៀបថ្មីផងដែរ។ ដោយសារតែមេរោគរាតត្បាតកូរ៉ូណាវីរុសនេះ ឧស្សាហកម្មហ្គេមនេះក៏មានការកើនឡើងខ្លាំងក្លាផងដែរ។ ហ្គេមនេះ រកប្រាក់ចំណូលបានចំនួន 1.3 ពាន់លានដុល្លារអាមេរិកនៅក្នុងឆមាសទី 1 ឆ្នាំ 2020 នេះ។ នៅក្នុងរយៈពេលត្រឹមតែ 7 ខែប៉ុណ្ណោះ ហ្គេមនេះពិតជាទទួលបាននូវប្រាក់ចំណេញដ៏ច្រើនគួរអោយភ្ញាក់ផ្អើលមែនទែន៕
