ក្រុមហ៊ុន Samsung ទើបតែចុះបញ្ជីទៅលើស្លាកឈ្មោះពាណិជ្ជកម្ម ‘Antimicrobial Coating’ ដែលប្រើប្រាស់នៅលើផ្នែកខាងលើនៃសម្បកទូរស័ព្ទរបស់ក្រុមហ៊ុននេះ។ សម្រាប់ថ្នាំកូតនេះ គឺអាចធ្វើការប្រឆាំងទៅនឹងមេរោគកូរ៉ូណាវីរុសថែមទៀតផង។ Antimicrobial coating គឺប្រើប្រាស់សម្រាប់ធ្វើការប្រឆាំងទៅនឹងមេរោគកូរ៉ូណាវីរុស ឬកំទេចកំទីបាក់តេរីដែលស្ថិតនៅផ្នែកខាងលើនៃសម្បកទូរស័ព្ទ។
នៅក្នុងខណៈពេលនេះ ពិភពលោក គឺមានការប្រឈមមុខទៅនឹងមេរោគរាតត្បាត ហើយការប្រឆាំងទៅនឹងមេរោគកូរ៉ូណាវីរុសនេះក៏មានការឆ្លងខ្លាំងផងដែរ។ មេរោគកូរ៉ូណានេះ គឺអាចងាយក្នុងការឆ្លងតាមរយៈការកណ្តាស់ជាដើម។ នេះ គឺអ្វីដែលក្រុមហ៊ុន Samsung កំពុងតែផ្តោតទៅលើថ្នាំកូតការពារមេរោគ (antimicrobial coating) សម្រាប់ការពារទៅលើភាគល្អិតតូចៗដែលស្ថិតនៅផ្នែកខាងលើនៃសម្បកទូរស័ព្ទនេះ។
នៅមិនទាន់មានវ៉ាក់សាំងការពារនៅឡើយទេ ហើយការការពារ និងការប្រុងប្រយ័ត្ន គឺជាវិធីដ៏ល្អបំផុតក្នុងការប្រឆាំងទៅនឹងមេរោគនេះ។ សម្រាប់ថ្នាំកូតថ្មីនេះ ធ្វើការធានាថាបាក់តេរីគឺមិនមានការឆ្លងនៅលើស្មាតហ្វូននេះទេ។ គួរបញ្ជាក់ផងដែរថា ក្រុមហ៊ុនបច្ចេកវិទ្យាយក្សរបស់កូរ៉េនេះក៏ដាក់ស្នើរនូវប៉ាតង់មួយសម្រាប់ ‘Antimicrobial Coating’ កាលពីថ្ងៃទី 30 ខែមិថុនានេះនៅក្នុងប្រទេសជាច្រើនផងដែរ។ បន្ថែមពីនេះទៀតនោះ ការប្រកាសបង្ហាញនូវស្មាតហ្វូន Flagship Galaxy Note 20 series នាពេលខាងមុខនេះប្រហែលជាឱកាសដ៏ល្អបំផុតក្នុងការប្រកាសបង្ហាញជាមួយនឹងសម្បកទូរស័ព្ទការពារនេះ៕
