លោក Ming-Chi Kuo ដែលជាអ្នកវិភាគដ៏ល្បីល្បាញ បានទម្លាយថា កាមេរ៉ាកម្រិតខ្ពស់ដែលនឹងប្រើប្រាស់នៅលើស្មាតហ្វូន iPhone 12 series នឹងចាប់ផ្តើមធ្វើការដឹកជញ្ជូននៅចុងខែនេះ គឺនៅក្នុងខែកក្កដា។ កាមេរ៉ាកម្រិតខ្ពស់នេះ នឹងប្រើប្រាស់នៅលើផ្នែកខាងក្រោយរបស់ស្មាតហ្វូននេះ។ តាមការបញ្ជាក់របស់លោក Ming-Chi Kuo នោះ បាននិយាយថា ដៃគូផលិតរបស់ក្រុមហ៊ុន Apple ក្រុមហ៊ុន Largan នឹងធ្វើការចាប់ផ្តើមនាំចេញនូវកាមេរ៉ាសម្រាប់ស្មាតហ្វូន iPhones នៅក្នុងខែកក្កដានេះហើយ។
ការផលិតរបស់ក្រុមហ៊ុន Largan គឺអាចនឹងមានការពន្យារពេលពី 4 ទៅ 6 សប្តាហ៍សម្រាប់ឆមាសទី 2 ឆ្នាំ 2020 នេះ។ ការនាំចេញកាមេរ៉ា iPhone នឹងបង្ហាញខ្លួននៅក្នុងចន្លោះខែកញ្ញា និងវិច្ឆិកានេះ។ ពាក្យចចាមអារ៉ាមជាច្រើន បានអះអាងថា ក្រុមហ៊ុនបច្ចេកវិទ្យាយក្ស ដែលមានមូលដ្ឋាននៅក្នុងទីក្រុង Cupertino នេះក៏អាចនឹងពន្យារពេលនៃការប្រកាសបង្ហាញស្មាតហ្វូនរបស់ខ្លួនពីខែកញ្ញាទៅកាន់ខែតុលាវិញសម្រាប់ iPhones ឆ្នាំ 2020 នេះ។
បន្ថែមពីនេះទៀតនោះ សម្រាប់Apple iPhones នេះក៏ផ្តោតទៅលើកាមេរ៉ា 7P lenses ផងដែរ។ នៅមិនទាន់ច្បាស់នោះទេថា ស្មាតហ្វូន iPhone ថ្មីនេះនឹងមានកាមេរ៉ា Lenses កម្រិតខ្ពស់នោះ។ សម្រាប់ iPhone 12 Pro និង Max នឹងមានកាមេរ៉ា Lenses កម្រិតខ្ពស់យ៉ាងហោចណាស់មួយគ្រាប់នៅផ្នែកខាងក្រោយរបស់វាជាក់ជាមិនខាន៕
