ក្រុមហ៊ុន Xiaomi បានប្រកាសនូវបច្ចេកវិទ្យា 100W Super Charge Turbo fast charging technology របស់ខ្លួននៅក្នុងខែមីនា ឆ្នាំ 2019។ ដំណោះស្រាយនេះ គឺអាចបញ្ចូលថាមពលថ្មទំហំ 4,000 mAh នៅក្នុងរយៈពេល 17 នាទីប៉ុណ្ណោះ។ ពេលនេះ មានរយៈពេលជាងមួយឆ្នាំមកហើយបច្ចេកវិទ្យា 120W charger ក៏ទទួលបាននូវវិញ្ញាបនបត្រ 3C ផងដែរ។
នៅមុនពេលការប្រកាសបង្ហាញនូវស្មាតហ្វូនថ្មីរបស់ចិននេះ សម្រាប់ឆ្នាំងសាកជាច្រើនគឺទទួលបាននូវវិញ្ញាបនបត្រចេញពី 3C (China Compulsory Certificate) សិន។ កាលពីសប្តាហ៍មុននេះ អ្នកទម្លាយព័ត៌មានរបស់ចិន Digital Chat Station និយាយថា ក្រុមហ៊ុនបច្ចេកវិទ្យា Xiaomi ឆាប់ៗនេះនឹងប្រកាសបង្ហាញនូវស្មាតហ្វូនដំបូងបំផុតរបស់ខ្លួនដែលទ្រទ្រង់ទៅលើបច្ចេកវិទ្យា 100W charging ។ សម្រាប់ឆ្នាំងសាក Xiaomi 120W charger ដែលមានលេខម៉ូឌែល MDY-12-ED ក៏ទទួលបាននូវការអនុម័តនៅថ្ងៃទី ២៨ ខែមិថុនានេះផងដែរ។
នេះគឺជា Charger ដូចគ្នាដែលមានការបែកធ្លាយនៅក្នុងវីដេអូមួយកាលពីខែមុននេះ។ សម្រាប់ឆ្នាំងសាកនេះគឺមានកម្លាំង Outputs ដូចជា៖
•5V 3A
•9V 3A
•11V 6A
•20V 4.8A
•20V 6A
ស្មាតហ្វូនដែលនឹងប្រើប្រាស់នូវបច្ចេកវិទ្យានេះគឺត្រូវគេរំពឹងថាជាស្មាតហ្វូន Mi Mix 4 ដែលគ្រោងនឹងបង្ហាញខ្លួននៅក្នុងត្រីមាសទី 4 ឆ្នាំ 2020 នេះ។ សម្រាប់ 100W Super Charge Turbo របស់ក្រុមហ៊ុន Xiaomi អាចនឹងបង្ហាញខ្លួនឆាប់ៗនេះ ខណៈពេលដែលបច្ចេកវិទ្យា 120W Super FlashChargeរបស់ Vivo គ្រោងនឹងបង្ហាញខ្លួននៅក្នុងពេលដ៏ខ្លីខាងមុខនេះផងដែរ៕