កាលពីខែមករាកន្លងទៅស្មាតហ្វូន realme X50 5G បានបង្ហាញខ្លួនជាផ្លូវការ ដែលនេះ គឺជាស្មាតហ្វូនមួយនៅក្នុងចំណោមស្មាតហ្វូនជាច្រើន ដែលមានភ្ជាប់ជាមួយនឹងបច្ចេកវិទ្យា 5G។ ស្មាតហ្វូននេះ បានចាប់ផ្តើមដាក់លក់នៅក្នុងប្រទេសចិនហើយ។ វាក៏នឹងបង្ហាញខ្លួននៅក្នុងអ៊ឺរ៉ុបផងដែរ។ នៅលើគេហទំព័ររបស់ក្រុមហ៊ុន realme របស់អេស្ប៉ាញ ពេលនេះ ក៏មានការទម្លាយថា ស្មាតហ្វូន X50 5G នឹងបង្ហាញខ្លួននៅក្នុងអ៊ឺរ៉ុបនៅថ្ងៃទី 8 ខែកក្កានេះ។ ស្មាតហ្វូននេះ ត្រូវបានគេបញ្ជាក់ថា នឹងបង្ហាញខ្លួនតាមរយៈព្រឹត្តិការណ៍អនឡាញ។
នៅក្នុងរូបភាពនេះ ក៏មានការទម្លាយបង្ហាញនូវកាសស្តាប់ realme Buds Q ផងដែរ។ នេះ គឺជាកាសស្តាប់ឥតខ្សែដែលមានប្រភអប់រូបរាងជាគ្រាប់ថ្នាំ ហើយវាមានតម្លៃធូរថ្លៃ។ កាសស្តាប់នេះមានតម្លៃ €18នៅក្នុងប្រទេសចិន ឬតម្លៃ €23 នៅក្នុងប្រទេសឥណ្ឌា។ នៅពេលដែលស្មាតហ្វូន realme X50 5G នេះ បង្ហាញខ្លួននៅអ៊ឺរ៉ុបនោះ ស្មាតហ្វូននេះ មានកាមេរ៉ា 4 គ្រាប់ដែលមានទំហំ 64MP main + 12MP telephoto + 8MP ultrawide-angle + 2MP macro ។ ស្មាតហ្វូននេះ អាចនឹងប្រើប្រាស់នូវបន្ទះឈីប Snapdragon 765G, 6.57 អ៊ីង LCD ជាមួយនឹងកម្រិតអេក្រង់ 120Hz refresh rate, dual selfie ថាមពលថ្មទំហំ4,200mAh និងបច្ចេកវីទ្យា VOOC 4.0 fast chargingនៅក្នុងកម្រិត 30W ថែមទៀតផង៕
