ក្រុមហ៊ុន Huawei បានបង្ហាញនូវកម្មវិធីប្រកួតប្រជែងច្នៃប្រឌិត Apps UP តាមរយៈការអញ្ជើញនូវអ្នកអភិវឌ្ឍកម្មវិធីជាច្រើនមកពីតំបន់ចំនួន 5 សម្រាប់ការប្រកួតប្រជែង ដែលមានប្រាក់រង្វាន់ចំនួនដល់ទៅ 1 លានដុល្លារអាមេរិក។ ព្រឹត្តិការណ៍ប្រកួតប្រជែងនេះ គឺស្វែងរកនូវការប្រើប្រាស់ប្រកបដោយភាពច្នៃប្រឌិតបំផុតដែលផ្តល់ដោយ HMS Core នេះ។ ក្រុមហ៊ុននេះ ក៏ផ្តល់នូវឧទាហរណ៍ជាច្រើនផងដែរ ដូចជាសមត្ថភាពនៃការប្រើប្រាស់នូវបច្ចេកវិទ្យា AR និង AI សម្រាប់ Platform របស់ខ្លួន។
StorySign ប្រើប្រាស់នូវបច្ចេកវិទ្យា HiAI ដើម្បីធ្វើការស្កេនអត្ថបទ និងប្រើប្រាស់នូវ Machine Learning Kit ដើម្បីធ្វើការបកប្រែសៀវភៅជាច្រើន ទៅជាភាសាសញ្ញាមួយសម្រាប់កុមារដែលថ្លង់ក្នុងការប្រើប្រាស់វា។ សម្រាប់ Link Now ក៏ដោះស្រាយទៅលើបញ្ហានៃការបញ្ជាពីចម្ងាយផងដែរ។ អ្នកអភិវឌ្ឍកម្មវិធីជាច្រើនក៏បង្កើតនូវគំនិតច្នៃប្រឌិតជាច្រើនដែលអាចប្រកួតប្រជែងបានចំនួន 5 ផ្នែកនោះ គឺ Best App, Best Game, Best Social Impact App និង Most Popular App។ រង្វាន់នេះនឹងផ្តល់សម្រាប់ផ្នែកនីមួយៗរួមជាមួយនឹងក្រុម Honorable Mention category ផងដែរ។
ព្រឹត្តិការណ៍នៃការប្រកួតប្រជែងនេះ គឺទទួលការចុះឈ្មោះរហូតដល់ចុងខែសីហានេះ ហើយអ្នកអាចចូលរួមម្នាក់ឯង ឬមួយក្រុមដែលមានគ្នា 3 នាក់។ អ្នកត្រូវដាក់នូវកម្មវិធីរបស់អ្នកនៅត្រឹមថ្ងៃទី 30 ខែសីហានេះ បន្ទាប់មកចៅក្រមនឹងធ្វើការ Shortlist ទៅលើកម្មវិធី 20 ដែលល្អបំផុតនៅក្នុងតំបន់នេះ។ ការប្រកួតប្រជែងនេះគឺធ្វើឡើងនៅក្នុង 5 តំបន់គឺអ៊ឺរ៉ុប អាស៊ីប៉ាស៊ីហ្វិក មជ្ឈឹមពូព៌ា និងអាហ្រិក អាមេរិកឡាទីន និងចិន។ កម្មវិធីទាំងនេះ គឺអាចដាក់អោយដំណើរការនៅលើHuawei AppGallery ចាប់ពីថ្ងៃទី 21 ខែកញ្ញានេះ។ សម្រាប់ជុំចុងក្រោយនៃការប្រកួតនេះគឺនៅក្នុងខែតុលា៕
