យោងតាមកាលបរិច្ឆេត បានអោយដឹងថា ស្មាតហ្វូនត្រកូល Mate របស់ក្រុមហ៊ុន Huawei នឹងបង្ហាញខ្លួននៅក្នុងឆមាសទី 2 នៅក្នុងឆ្នាំនេះហើយ ពីព្រោះថា អោយតែ P-Series បង្ហាញខ្លួននៅក្នុងឆមាសទី 1 នោះ ស្មាតហ្វូន Mate series នឹងបង្ហាញខ្លួននៅក្នុងឆមាសទី 2 ជាក់ជាមិនខាន។ ជាក់ស្តែង ស្មាតហ្វូន P40 បានបង្ហាញខ្លួនរួចហើយ។ សម្រាប់អ្នកគាំទ្រជាច្រើនរបស់ក្រុមហ៊ុន Huawei ពេលនេះ គឺរង់ចាំវត្តមានរបស់ស្មាតហ្វូន Mate 40 ។ តាមពិតទៅ យើងបានលឺដំណឹងជាច្រើនរបស់ស្មាតហ្វូននេះផងដែរ។
យោងតាមពាក្យចចាមអារ៉ាម និងការបែកធ្លាយជាច្រើន បានបញ្ជាក់ថា ស្មាតហ្វូន Huawei Mate 40 Pro នេះនឹងមានការឌីស្សាញជាទម្រង់អេក្រង់ ‘bangs screen’ ជាមួយនឹងការទ្រទ្រង់ទៅលើបច្ចេកវិទ្យាស្កេនមុខផងដែរ។ ប្រភពមួយកាលពី ពេលមុននេះ បានរាយការណ៍ថា ស្មាតហ្វូន Mate 40 series នឹងប្រើប្រាស់នូវអេក្រង់របស់ស្មាតហ្វូន P40 series ។ ស្មាតហ្វូននេះគឺមានកម្រិតភាពច្បាស់ 1200P+ និងកម្រិតអេក្រង់ 90Hz refresh rate ។ ស្មាតហ្វូននេះនឹងមានវត្តមានជាមួយនឹងស្មាតវ៉ចដែលមានឈ្មោះហៅថា Mate Watch ដែលដំណើរការនូវប្រព័ន្ធប្រតិបត្តិការ Harmony OS ផងដែរ។
.jpg)
នៅមិនទាន់មានការបញ្ជាក់ជាផ្លូវការនៅឡើយទេអំពីបន្ទះឈីបនេះ ប៉ុន្តែស្មាតហ្វូន Huawei Mate 40 series នេះនឹងប្រើប្រាស់នូវបន្ទះឈីប Kirin 1020 flagship chip ។ ជាក់ស្តែង ក្រុមហ៊ុន Huawei បានប្រកាសបង្ហាញនូវបន្ទះឈីប flagship SoC នេះរៀងរាល់រដូវស្លឹកឈើជ្រុះ។ វាក៏ប្រហែលជាមិនមានការផ្លាស់ប្តូរកាលបរិច្ឆេទនោះទេ។ យោងទៅតាមព័ត៌មានបែកធ្លាយជាច្រើននោះ បន្ទះឈីប Kirin 1020 នឹងប្រើប្រាស់នូវស្ថាបត្យកម្ម ARM Cortex-A78 ។ នៅក្នុងដំណើរការនៃបច្ចេកវិទ្យា 5nm នោះ បន្ទះឈីប Kirin 1020 នេះមាន 171.3 លានត្រង់ស៊ីស្ទ័រដែលមានល្បឿនលឿនជាងបន្ទះឈីប Kirin 990 ដល់ទៅ 50% ។ ស្មាតហ្វូន Huawei Mate 40 Pro នឹងប្រើប្រាស់នូវអេក្រង់ Ultra-Thin Display (UTD) ផងដែរ។
