កាលពីឆ្នាំមុននេះ ស្មាតហ្វូនដែលមានអេក្រង់បត់បានជាច្រើន បានបង្ហាញខ្លួនក្លាយជាការពិត ហើយខណៈពេលដែលក្រុមហ៊ុនបច្ចេកវិទ្យាជាច្រើន ដូចជាក្រុមហ៊ុន Samsung, Huawei និង Motorola បានបង្ហាញនូវស្មាតហ្វូនដែលអាចបត់បានរបស់ខ្លួនរួចហើយនៅក្នុងទីផ្សារនោះ ក្រុមហ៊ុនជាច្រើនទៀតនៅមិនទាន់ប្រកាសបង្ហាញនូវស្មាតហ្វូនដែលអាចបត់បានរបស់ខ្លួននៅឡើយទេ បើទោះបីជាពេលនេះក្រុមហ៊ុនបច្ចេកវិទ្យានេះកំពុងតែធ្វើការនៅលើបច្ចេកវិទ្យានេះក៏ដោយនោះ។
វាហាក់ដូចជាក្រុមហ៊ុនបច្ចេកវិទ្យា LG នឹងបោះជំហានឆ្ពោះទៅមុខ និងការបង្កើននូវការបង្ហាញនូវស្មាតហ្វូននេះជាមួយនឹងអេក្រង់ដែលអាចបត់បាន។ នៅក្នុងរបាយការណ៍មួយចេញពីប្រទេសកូរ៉េខាងត្បូងបញ្ជាក់ថា គម្រោងនេះនឹងមានកូដហៅថា “Project B” ។ ប៉ាតង់របស់ស្មាតហ្វូនស្រដៀងគ្នានេះក៏ចេញផ្សាយកាលពីឆ្នាំមុននេះផងដែរ។ នៅក្នុងរបាយការណ៍នេះ ក្រុមហ៊ុនបច្ចេកវិទ្យា LG ក៏ចាប់ផ្តើមធ្វើការនៅលើគម្រោងមួយរបស់ស្មាតហ្វូនដែលមានអេក្រង់ដែលអាចបត់បាន ហើយវាអាចនឹងបង្ហាញខ្លួននៅដើមឆ្នាំក្រោយនេះ។ ស្មាតហ្វូននេះនឹងប្រើប្រាស់នូវអេក្រង់ Flexible Organic Light Emitting Diode (OLED)។
ក្រុមហ៊ុន LG Electronics ក៏កំពុងតែធ្វើការជាមួយនឹងក្រុមហ៊ុន BOE ដែលមានមូលដ្ឋាននៅក្នុងប្រទេសចិនផងដែរសម្រាប់អេក្រង់ OLED ដែលអាចបត់បាននេះ។ ខណៈពេលដែលអេក្រង់ដែលអាចរមូរបាននេះមិនពិបាកក្នុងការផលិតនោះទេបើធៀបទៅនឹងអេក្រង់ដែលអាចបត់បាននោះ អ្វីដែលពិបាកគឺទៅលើការធានាថាការឌីស្សាញ និងសមាសភាគជាច្រើនទៀតរបស់ស្មាតហ្វូននេះអាចទ្រទ្រង់ទៅលើបច្ចេកវិទ្យាអេក្រង់ថ្មីនេះ។ ក្រៅពីស្មាតហ្វូនដែលមានអេក្រង់រមូរនៅក្នុងគម្រោងProject B នេះ ក្រុមហ៊ុនបច្ចេកវិត្យាយក្សរបស់ប្រទេសកូរ៉េខាងត្បូងនេះ ក៏ធ្វើការនៅលើស្មាតហ្វូនមួយចំនួនទៀតផងដែរ។ នៅក្នុងឆមាសទី 2 នៅក្នុងឆ្នាំនេះ ក្រុមហ៊ុន LG ក៏នឹងបង្ហាញនូវស្មាតហ្វូន Flagship ដែលមានលេខកូដ “Horizontal” ផងដែរ។
នៅឆ្នាំក្រោយនេះ ក្រុមហ៊ុននេះនឹងប្រកាសបង្ហាញនូវស្មាតហ្វូនមួយទៀតដែលមានកូដថា “Rainbow” ។ វានៅមិនទាន់ច្បាស់នោះទេថាក្រុមហ៊ុនបច្ចេកវិទ្យានេះនឹងប្រកាសបង្ហាញនូវស្មាតហ្វូនតែ 3 ម៉ូឌែលប៉ុណ្ណោះនៅក្នុងឆ្នាំនេះ។ ថ្មីៗនេះ ក្រុមហ៊ុនបច្ចេកវិទ្យានេះបានប្រកាសបង្ហាញនូវស្មាតហ្វូន LG Velvet ដែលមានអេក្រង់ទំហំ 6.9-inch OLED ជាមួយនឹងកម្រិតភាពច្បាស់ 2460 x 1080 pixelsនិងកម្រិតអេក្រង់ 20.5:9 aspect ratio ។ ស្មាតហ្វូននេះមានបន្ទះឈីប Qualcomm Snapdragon 765G mobile platform និងទ្រទ្រង់ទៅលើបច្ចេកវិទ្យា 5G ថែមទៀត។
ស្មាតហ្វូននេះ មានរ៉េមទំហំ 8GB ម៉េមូរីទំហំ UFS 2.1 storage និងអាចបន្ថែមនូវ 2TBmicroSD card ផងដែរ។ ស្មាតហ្វូននេះមានកាមេរ៉ា ៣ គ្រាប់នៅខាងក្រោយជាមួយនឹងកាមេរ៉ាគោលទំហំ 48MP, 8MP ultra-wide-angle និង 5MP depth sensor ។ កាមេរ៉ាខាងមុខរបស់ស្មាតហ្វូននេះគឺមានទំហំ16MP ។ ស្មាតហ្វូន LG Velvet ដំណើរការនូវ Android 10 និងថាមពលថ្មទំហំ 4,300mAh ជាមួយនឹងបច្ចេកវិទ្យា 25W fast charging ផងដែរ៕