កាលពីដើមឆ្នាំនេះ ក្រុមហ៊ុន Nubia បានប្រកាសនូវស្មាតហ្វូនលេងហ្គេមស៊េរីថ្មីរបស់ខ្លួនដែលមានឈ្មោះហៅថា Nubia Red Magic 5G។ ស្មាតហ្វូននេះមានលក្ខណៈសម្បត្តិយ៉ាងខ្លាំងក្លា ហើយនេះ គឺជាស្មាតហ្វូនដំបូងបំផុតនៅក្នុងពិភពលោកដែលមានរ៉េមទំហំ 16GB ។ នៅពេលនេះ ក្រុមហ៊ុនបានបង្ហាញនូវស្មាតហ្វូន Red Magic 5G ដែលជា ស្មាតហ្វូនដំបូងបំផុតរបស់ពិភពលោក ដែលមានការទ្រទ្រង់ទៅលើកម្រិតអេក្រង់ 120Hz frame rate សម្រាប់លេងហ្គេម KartRider Rush+ បានយ៉ាងរលូន។ គួរបញ្ជាក់ថា ហ្គេមនេះ គឺដំណើរការសម្រាប់តែទីផ្សារនៅក្នុងប្រទេសចិនប៉ុណ្ណោះ។
KartRider Rush+ គឺជាហ្គេមមួយដែលទើបតែបង្ហាញខ្លួននៅក្នុងប៉ុន្មានខែនេះ ហើយវាក៏មានភ្ជាប់ជាមួយនឹង Game Mode ជាច្រើនផងដែរ។ ហ្គេមនេះ ប្រកាសអោយដំណើរការមុនគេនៅក្នុងប្រទេសចិន។ ស្មាតហ្វូន Red Magic 5G មិនមែនជាស្មាតហ្វូនដំបូងបំផុត ដែលមានការទ្រទ្រង់ទៅលើបច្ចេកវិទ្យា 120Hz នោះទេ ប៉ុន្តែវាមានការទ្រទ្រង់ទៅលើ KartRider Rush+ ដែលមានការប្រើប្រាស់នូវ Frame rate ខ្ពស់។ ស្មាតហ្វូនជាច្រើនទៀត ដូចជាស្មាតហ្វូនASUS ROG Phone 2 និង Samsung Galaxy S20 ក៏មានការទ្រទ្រង់ទៅលើកម្រិតអេក្រង់ 120Hz ផងដែរ តែមិនដឹងថា អាចនឹងលេងហ្គេមនេះ បានរលូន ឬយ៉ាងណានោះទេ។
ស្មាតហ្វូន Nubia Red Magic 5G នេះ មានអេក្រង់ 6.65-inch 144Hz AMOLED និងបន្ទះឈីប Snapdragon 865 រ៉េមទំហំ 16GB LPDDR5 RAM និងម៉េមូរីទំហំ 256GB UFS 3.0 storage ។ ស្មាតហ្វូននេះ ទ្រទ្រង់ទៅលើបច្ចេកវិទ្យា 5G connectivity ហើយវាក៏មានកាមេរ៉ាខាងក្រោយ 3 គ្រាប់ដែលមានទំហំ 64MP Sony IMX686 primary sensor, 8MP ultra-wide shooter, និង 2MP macro។ សម្រាប់កាមេរ៉ាខាងមុខរបស់ស្មាតហ្វូននេះគឺមានទំហំ 8MP។ ស្មាតហ្វូននេះដំណើរការនូវ Android 10 ថាមពលថ្មទំហំ 4,500mAh និងបច្ចេកវិទ្យា 55W fast charging technology ផងដែរ៕