នៅក្នុងរបាយការណ៍ថ្មីមួយ ដែលមាមប្រភពចេញពីប្រទេសកូរ៉េខាងត្បូង បានបញ្ជាក់ថា ស្មាតហ្វូនជាច្រើនម៉ូឌែលរបស់ក្រុមហ៊ុនបច្ចេកវិទ្យា Samsung នាពេលខាងមុខនេះ នឹងលែងមានឆ្នាំងសាក charger នៅក្នុងប្រអប់របស់វាទៀតហើយ ខណៈដែលពាក្យចចាមអារ៉ាមជាច្រើន បានបញ្ជាក់ថា វាមិនដូចនេះទេ។
សូមជំរាបថាប Samsung គឺជាក្រុមហ៊ុនបច្ចេកវិទ្យាដ៏ធំមួយនៅក្នុងចំណោមក្រុមហ៊ុនផលិតស្មាតហ្វូនជាច្រើននៅក្នុងពិភពលោក ដែលបាននាំចេញនូវស្មាតហ្វូនជាច្រើនលានគ្រឿងជារៀងរាល់ឆ្នាំ។ ប្រសិនបើក្រុមហ៊ុនបច្ចេកវិទ្យាយក្សរបស់ប្រទេសកូរ៉េខាងត្បូងនេះ ពិតជាសម្រេចចិត្តក្នុងការបោះបង់ចោលនូវឆ្នាំងសាកនេះ នៅក្នុងប្រអប់របស់ស្មាតហ្វូនមែននោះ ក្រុមហ៊ុននេះអាចនឹងមើលឃើញនូវការកាត់បន្ថយនូវការចំណាយដ៏ធំទៅលើតម្លៃរបស់ស្មាតហ្វូននេះ។ តម្លៃរបស់ស្មាតហ្វូននេះ ក៏អាចនឹងមានការធ្លាក់ចុះផងដែរ។
តាមការបញ្ជាក់របស់របាយការណ៍នេះ ក្រុមហ៊ុន Samsung អាចនឹងមានការអនុវត្តនូវការផ្លាស់ប្តូរនេះ នៅក្នុងការជ្រើសរើសនូវម៉ូឌែលស្មាតហ្វូនជាច្រើន។ យើអាចនឹងមើលឃើញនូវការផ្លាស់ប្តូរឆាប់ៗនេះ នៅឆ្នាំក្រោយដែលនៅសល់រយៈពេល 6 ខែទៀត។ គួរបញ្ជាក់ផងដែរថា សម្រាប់ឆ្នាំងសាកនេះពិតជាសំខាន់មែនទែនសម្រាប់អ្នកប្រើប្រាស់ស្មាតហ្វូន។ គួរបញ្ជាក់ថា Samsung មិនមែនជាក្រុមហ៊ុនដំបូងបំផុតដែលមានពាក្យចចាមអារ៉ាមនេះទេ សូម្បីតែស្មាតហ្វូន iPhone 12 Series របស់ក្រុមហ៊ុន Apple ក៏នឹងបោះបង់ចោលនូវឆ្នាំងសាកនៅក្នុងប្រអប់របស់ស្មាតហ្វូននេះផងដែរ។ ដូចគ្នាទៅនឹងរន្ធដោតកាសស្តាប់ផងដែរនោះ ប្រសិនបើ Apple ធ្វើបែបនេះមែននោះ ក្រុមហ៊ុន Samsung ក៏ប្រហែលជាធ្វើតាមបែននេះផងដែរ៕