កាលពីខែមុននេះ ក្រុមហ៊ុន Asus បញ្ជាក់ថា ខ្លួននឹងបង្ហាញនូវស្មាតហ្វូនលេងហ្គេម ROG Phone 3 នៅក្នុងខែកក្កដាខាងមុខនេះ។ ទោះជាយ៉ាងណាក៏ដោយនោះ ក្រុមហ៊ុនបច្ចេកវិទ្យានេះ នៅមិនទាន់ប្រកាសចេញនូវកាលបរិច្ឆេទជាក់លាក់នៃការប្រកាសបង្ហាញស្មាតហ្វូននេះទេ។ តាមការបញ្ជាក់នៅក្នុងរបាយការណ៍នេះ បានអោយដឹងថា ក្រុមហ៊ុន Asus ពេលនេះក៏ផ្ញើនូវលិខិតអញ្ជើញសម្រាប់ព្រឹត្តិការណ៍ ROG Phone 3។ នៅក្នុងលិខិតអញ្ជើញនេះ មានការបញ្ជាក់នេះ ស្មាតហ្វូននេះនឹងប្រកាសបង្ហាញខ្លួនជាផ្លូវការនៅថ្ងៃទី ២២ ខែកក្កដាខាងមុខនេះ។
ព្រឹត្តិការណ៍នៃការប្រកាសចេញនូវស្មាតហ្វូន ASUS ROG Phone 3 “ROG 2020 Game Changer” នេះ នឹងធ្វើឡើងនៅ តៃវ៉ាន់ ទីក្រុង Milan និងទីក្រុងញ៉ូវយ៉ក។ ព្រឹត្តិការណ៍នៃការប្រកាសអនឡាញនេះ នឹងធ្វើឡើងនៅថ្ងៃទី 11pm នៅតៃវ៉ាន់។ វាត្រូវនឹងម៉ោង 5:00 pm នៅក្នុងទីក្រុង Milan និងម៉ោង 11 am នៅក្នុងទីក្រុងញ៉ូវយ៉ក។ លក្ខណៈសម្បត្តិជាច្រើន និងរូបភាពរបស់ស្មាតហ្វូននេះក៏មានការបែកធ្លាយនៅលើ TENAA ផងដែរ។ តាមការបញ្ជាក់របស់ TENAA ស្មាតហ្វូននេះនឹងមានថាមពលថ្មទំហំ 5800 mAh ។ វាមានបច្ចេកវិទ្យាសាកថ្ម 30W charger ។បន្ថែមពីនេះទៀត វាមានទម្ងន់ 240g ។
ស្មាតហ្វូនលេងហ្គេម Asus ROG Gaming Phone 3 មើលទៅគឺមានលក្ខណៈស្រដៀងគ្នាទៅនឹងស្មាតហ្វូនលេងហ្គេមជំនាន់មុននេះផងដែរ។ អ្វីដែលប្លែកនោះគឺផ្នែកខាងក្រោយរបស់ស្មាតហ្វូននេះមានកាមេរ៉ា ៣ គ្រាប់។ វាមានកាមេរ៉ាគោលទំហំ 64MP ។ស្មាតហ្វូន Asus ROG Gaming Phone 3 មាន CPU ដែលមានល្បឿន 3.091GHz ។ ស្មាតហ្វូននេះប្រើប្រាស់នូវបន្ទះឈីប Qualcomm Snapdragon 865 SoC ។ ស្មាតហ្វូន ROG Gaming Phone 3 មានអេក្រង់ទំហំ 6.59-inch ជាមួយនឹងកម្រិតភាពច្បាស់ 2340×1080 រ៉េមទំហំ 16GB RAM + 512GB storage កាមេរ៉ាខាងមុខទំហំ 13MP selfie និងវិមាត្រ 171 × 78 × 9.85 mm ៕