នៅក្នុងពេលថ្មីៗនេះ ក្រុមហ៊ុនបច្ចេកវិទ្យាយក្សរបស់ចិន Huawei បានធ្វើការចុះបញ្ជីទៅលើស្លាកសញ្ញាពាណិជ្ជកម្មជាច្រើន។ យើងបានឃើញនូវស្លាកសញ្ញាពាណិជ្ជកម្ម “Mate V” និង “Ark Compiler” រួចមកហើយ។ ពេលនេះ មានរបាយការណ៍ជាច្រើនដែលបញ្ជាក់ថា ក្រុមហ៊ុន Huawei បានស្នើសុំនូវស្លាកពាណិជ្ជកម្មថ្មីរបស់ខ្លួនដែលមានឈ្មោះហៅថា MateStation ទៅកាន់ស្ថាប័ន INDECOPI កាលពីថ្ងៃទី 6 ខែកក្កដា ឆ្នាំ 2020 នេះ នៅក្នុងទីក្រុងប៉េរ៉ូ។
តាមការប៉ាន់ស្មាននោះ ស្លាកពាណិជ្ជកម្មថ្មីនេះ នឹងប្រើប្រាស់ជា Dock Accessory ដែលស្រដៀងគ្នាទៅនឹង DeX របស់ក្រុមហ៊ុន Samsung ផងដែរ។ នៅក្នុងស្លាកសញ្ញាពាណិជ្ជកម្មថ្មីនេះ សម្រាប់ឧបករណ៍ Huawei MateStation គួរតែជា Accessory សម្រាប់ប្រើប្រាស់នៅលើស្មាតហ្វូន Mate 40 series ឬ Mate V ។សម្រាប់ស្មាតហ្វូន Huawei Mate 20 series មានភ្ជាប់ជាមួយនឹង EMUI computer mode ផងដែរ។ សម្រាប់មុខងារនេះ អ្នកប្រើប្រាស់ជាច្រើនអាចធ្វើការតភ្ជាប់ជាមួយនឹង mouse, keyboard និងឧបករណ៍ជាច្រើនទៀត។ បន្ថែមពីនេះទៀតនោះ អ្នកប្រើប្រាស់ជាច្រើនអាចធ្វើការបញ្ចូនទិន្នន័យតាមរយៈ U Disk ឬ media ផ្សេងទៀតក៏បានដែរ។
របាយការណ៍ជាច្រើនបានបញ្ជាក់ថា ស្មាតហ្វូន Huawei Mate 40 Series នេះ នឹងប្រើប្រាស់នូវបន្ទះឈីប Kirin 1000 ឬ 1020 processor (5nm)។ បន្ទះឈីបនេះ គឺមានការពង្រឹងកាន់តែប្រសើរជាងមុនដល់ទៅ 50% បើធៀបជាមួយនឹងបន្ទះឈីប Kirin 990 SoC ។ ប្រសិនបើស្មាតហ្វូននេះពិតជាប្រើប្រាស់ជាមួយនឹង Huawei MateStation នោះ វានឹងផ្តល់អោយអ្នកប្រើប្រាស់នូវបទពិសោធន៍នៃការប្រើប្រាស់ដ៏អស្ចារ្យនៅលើ Desktop ជាក់ជាមិនខាន។ វានៅមិនទាន់ច្បាស់នោះទេថា Huawei MateStation នេះនឹងមកជាមួយនឹងស្មាតហ្វូន Mate 40 series នោះ។
ស្មាតហ្វូន HUAWEI MATE 40 SERIES នេះនឹងមានអេក្រង់កម្រិត 90Hz ។ វាមានជម្រើសពីរគឺ 90Hz និង 120Hz ប៉ុន្តែក្រុមហ៊ុនបច្ចេកវិទ្យា Huawei គឺផ្តោតខ្លាំងទៅលើកម្រិតថាមពលថ្មរបស់វាដូចនេះ ក្រុមហ៊ុនទំនងជាជ្រើសរើសនូវអេក្រង់កម្រិត 90Hz ប៉ុណ្ណោះ។ តាមការបញ្ជាក់របស់ @MobileWaferDarren ក្រុមហ៊ុន Huawei អាចនឹងត្រូវការបន្ទះឈីប 5nm, 7nm, 16nm និង 28nm mobile chips ។ វាក៏ត្រូវការបន្ទះឈីប TWS headset Bluetooth chip ដែលធ្វើការអភិវឌ្ឍដោយក្រុមហ៊ុន HiSiliconផងដែរ។ សម្រាប់ឈីបទាំងនេះនឹងអាចប្រើប្រាស់បាននៅពាក់កណ្តាលខែកញ្ញាខាងមុខនេះ។សម្រាប់របាយការណ៍ជាច្រើនកាលពីពេលមុននេះ ស្មាតហ្វូន Mate 40 Series នឹងប្រើប្រាស់នូវបន្ទះឈីប Kirin processor 5nm ។ បន្ទះឈីបនេះ គឺមានការបញ្ចូលគ្នារវាង Cortex A77 ឬ A78 CPU architecture + Mali G77/G78 GPU architecture ។ ការបញ្ចូលគ្នានេះគឺធ្វើការពង្រឹងល្បឿននៃការប្រើប្រាស់កាន់តែអស្ចារ្យថែមទៀតនៅលើអេក្រង់កម្រិត 120Hz ៕
