ក្រុមហ៊ុន Apple ត្រូវបានគេរំពឹងថា នឹងបង្ហាញនូវស្មាតហ្វូន iPhone 12 Series នៅក្នុងរយៈពេលប៉ុន្មានខែខាងមុខនេះហើយក្រោយពីមានការបែកធ្លាយព័ត៌មានថ្មីៗជាបន្តបន្ទាប់។ តាមការបញ្ជាក់របស់អ្នកវិភាគជាច្រើន បានអោដឹងថា ស្មាតហ្វូននេះ នឹងបង្ហាញខ្លួនដោយមិនមាន Charger និង Earpods នោះទេ។ ហើយពេលនេះ របាយការណ៍នេះ បាននិយាយថា តម្លៃរបស់ស្មាតហ្វូននេះ គឺថោកជាង $50 បើធៀបទៅនឹងម៉ូឌែលមុននេះ។
របាយការណ៍ខាងលើនេះ គឺចេញពីការវិភាគរបស់លោក Jeff Pu (MacRumors) ដោយគាត់ធ្វើការព្យាករណ៍ទៅលើតម្លៃរបស់ស្មាតហ្វូន iPhone 12 នេះ គឺ $749 ។ ស្មាតហ្វូននេះ មានតម្លៃ 5.4 អ៊ីង OLED បន្ទះឈីប 5nm A14 និងបច្ចេកវិទ្យា 5G connectivity រួមជាមួយនឹងនិងកាមេរ៉ាភ្លោះ។ គួរបញ្ជាក់ថា សម្រាប់ស្មាតហ្វូន iPhone 11 ដែលបង្ហាញខ្លួនកាលពីឆ្នាំមុននេះ គឺមានតម្លៃ $699 ដែលមានតម្លៃ $50 ថោកជាងស្មាតហ្វូន iPhone XR។ អ្នកទម្លាយរូបនេះ បានបញ្ជាក់បន្ថែមថា តម្លៃរបស់ស្មាតហ្វូន iPhone 12 នេះគឺ $649។
ចាប់តាំងពីស្មាតហ្វូន iPhone 12 នេះ មានភ្ជាប់ជាមួយនឹងបច្ចេកវិទ្យា 5G នោះ លោក Pu បាននិយាយថា អតិថិជន គឺមិនសូវជាមានការប្រកាន់នោះទេ ទាក់ទងទៅនឹងតម្លៃនោះ។ ប៉ុន្តែប្រសិនបើវាមិនមាន charger និង Earpods នោះ វានឹងបង្ករជាបញ្ហាបាន។ សម្រាប់ស្មាតហ្វូន iPhone 12 Series នឹងអាចធ្វើការប្រកួតប្រជែងជាមួយនឹងស្មាតហ្វូន Galaxy S20 ដែលមានតម្លៃលក់រាយ $999 នៅក្នុងសហរដ្ឋអាមេរិក។ ក្រុមហ៊ុន Apple នឹងធ្វើការនាំចេញស្មាតហ្វូន 15 ទៅ 20 លានគ្រឿងនៅក្នុងឆ្នាំ 2020 នេះ៕