ក្រុមហ៊ុន Asus គឺធ្វើបានយ៉ាងល្អមែនទែននៅពេលដែលក្រុមហ៊ុននេះប្រឡូកនៅក្នុងស្មាតហ្វូនលេងហ្គេមនោះ។ សម្រាប់វត្តមានរបស់ស្មាតហ្វូន Asus ROG គឺល្អនៅក្នុងការប្រើប្រាស់សម្រាប់ Mainstream នៅលើអ៊ីនធឺរណិត។ នៅពេលនេះ ក្រុមហ៊ុនបច្ចេកវិទ្យារបស់តៃវ៉ាន់នេះ គឺគឺមានស្មាតហ្វូនហ្គេមីងជំនាន់ទី 3 របស់ខ្លួនហើយ នោះគឺជាស្មាតហ្វូន ASUS ROG Gaming Phone 3។ ក្រុមហ៊ុននេះ ក៏បានធ្វើការសហការយ៉ាងជិតស្និទ្ធិជាមួយនឹងក្រុមហ៊ុន Tencent Games នៅក្នុងការអភិវឌ្ឍន៍ស្មាតហ្វូនហ្គេមីង ASUS ROG Gaming Phone 3 នេះផងដែរ។
តាមការបញ្ជាក់នៅក្នុងព័ត៌មានផ្លូវការនេះ ស្មាតហ្វូននេះនឹងបង្ហាញខ្លួនជាផ្លូវការនៅក្នុងខែកក្កដានេះ។ នៅក្នុងព័ត៌មានចុងក្រោយបំផុតនេះមានការបង្ហាញថា ស្មាតហ្វូននេះពេលនេះគឺមានវិញ្ញាបនបត្រ NCC នៅក្នុងតៃវ៉ាន់។ វាមានការបញ្ជាក់ថា ស្មាតហ្វូននេះនឹងប្រកាសបង្ហាញខ្លួននៅក្នុងខែនេះ។ នៅក្នុងវិញ្ញាបនបត្រ NCC នេះមាការបង្ហាញអំពីម៉ូឌែល ASUS ROG Gaming Phone 3 ដែលមានលេខកូដ ASUS_I003D ។ វាមានការបង្ហាញថា ស្មាតហ្វូននេះ គឺមាន 30W charger, 6000 mAh និងម៉េមូរីទំហំ 512GB។
ថ្មីៗនេះ ស្មាតហ្វូន ROG Gaming Phone 3 ក៏បង្ហាញខ្លួននៅលើ database របស់ TENAA ផងដែរ។ តាមការបញ្ជាក់របស់ TENAA នេះ ស្មាតហ្វូននេះ គឺមានភ្ជាប់ជាមួយនឹងថាមពលថ្មទំហំ 5800mAh មានភ្ជាប់នូវបច្ចេកវិទ្យាសាកថ្មកម្រិត 30W Charger និងមានទម្ងន់ 240 ក្រាម។ សម្រាប់រូបរាងរបស់ស្មាតហ្វូន Asus ROG Gaming Phone 3 នេះ គឺស្រដៀងគ្នាទៅនឹងស្មាតហ្វូនម៉ូឌែលជំនាន់មុនដែរ គឺមានកាមេរ៉ា 3 គ្រាប់នៅខាងក្រោយ។ កាមេរ៉ាគោលរបស់ស្មាតហ្វូននេះ គឺមានទំហំ 64MP។ សម្រាប់ CPU របស់ស្មាតហ្វូន Asus ROG Gaming Phone 3 នេះគឺ 3.091GHz។ បន្ទះឈីបនេះ អាចជា Snapdragon 865 SoC។ ស្មាតហ្វូន ROG Gaming Phone 3 នេះ មានអេក្រង់ទំហំ 6.59 អ៊ីងជាមួយនឹងកម្រិតភាពច្បាស់ 2340×1080 រ៉េមទំហំ 16GB+ 512GB កាមេរ៉ាខាងមុខទំហំ 13MP selfie និងវិមាត្រ 171×78×9.85មម៕
