គិតត្រឹមឆ្នាំ 2020 នេះ រថយន្តម៉ាក Mazda 3 បានឈរជើងនៅក្នុងទីផ្សាររថយន្តពិភពលោកបាន 100 ឆ្នាំហើយ។ នៅក្នុងឆ្នាំខួប មួយទសវត្សឆ្នាំនេះ ក្រុមហ៊ុន Mazda មានគម្រោងនឹងផលិតរថយន្ត Mazda 3 Special Edition ដែលមានរូបរាងឌីហ្សាញពិសេសជាងស៊េរីមុនៗ។
«សម្រាប់ខួប 100ឆ្នាំ ក្រុមហ៊ុន Mazda ក្រុមហ៊ុនផលិតរថយន្តដ៏ធំរបស់ជប៉ុនមួយនេះ នឹងបញ្ចេញ Mazda 3 ពិសេស ដើម្បីអបអរ»។ សារនេះ គឺជាការលើកឡើងរបស់ លោក Steven Tan នាយកប្រតិបត្តិ Mazda ប្រចាំនៅប្រទេស Philippines។
សម្រាប់ពណ៌របស់ Mazda 3 ខួប 100 ឆ្នាំ នឹងមានពណ៌ចម្រុះច្រើនពណ៌ និងរូបរាងប្លែក ហើយក្រុមហ៊ុន គឺសម្រេចផលិតចេញតែចំនួន 100 គ្រឿងប៉ុណ្ណោះសម្រាប់ទីផ្សារទូទាំងពិភពលោក។ រថយន្តជំនាន់ពីសេសនេះ នឹងប្រើយ៉ាន់ដែលមានទំហំ 18 អ៊ីញ និងមានរំលេចដោយស្បែកហ្វ្រាំងពណ៌ក្រហម។ សម្រាប់កាងខាងមុខវិញ ក៏ត្រូវបានក្រុមហ៊ុននេះ ធ្វើការឌីហ្សាញមកមើលទៅកាចជាងមុនផងដែរ។ រីឯផ្នែកខាងក្នុង គឺសុទ្ធសឹងបំពាក់ដោយគ្រឿងបែប Premium និងស្បែកសុទ្ធពណ៌ក្រហមទៀតផង ។
សូមជំរាបផងដែរ Mazda 3 គឺជារថយន្តមួយ ដែលបានជាប់ពាន Top Safety Pick Plus Award ហើយនៅក្នុងឆ្នាំ 2020នេះ រថយន្តត Sedan មួយនេះ ក៏ត្រូវបានដាក់ពិន្ទុលេខ 1 ផ្នែក World Car Design ទទួលស្គាល់ដោយស្ថាប័ន IIHS នៅសហរដ្ឋអាមេរិចថែមទៀតផង។ ចំពោះ Mazda 3 special edition ផលិតតែចំនួន 100 គ្រឿងនេះ គឺនឹងលក់ជូនអតិថិជនជាមួយនឹងតម្លៃ ឡើងថ្លៃលើសតម្លៃដើមប្រហែល 2,022$ ហើយលក់ទៅកាន់ទីផ្សាររថយន្ត អាមេរិចខាងជើងមុនគេ៕