នៅពេលនេះ គឺជាវេលាមួយនៅពេលដែលក្រុមហ៊ុនបច្ចេកវិទ្យាជាច្រើន នឹងប្រកាសចេញនូវស្មាតហ្វូន Flagship របស់ពួកគេហើយខណៈក្រុមហ៊ុន Samsung ក៏និងបង្ហាញនូវស្មាតហ្វូន Galaxy Note 20 series របស់ខ្លួននៅក្នុងដើមខែសីហានេះដែរ ។ សម្រាប់កាលបរិច្ឆេទ ដែលយើងនឹងឃើញនូវវត្តមានរបស់ស្មាតហ្វូន Samsung Flagship នេះ គឺនៅថ្ងៃទី 5 ខែសីហា នៅវេលាម៉ោង 10 ព្រឹក។ យើងបានឃើញនូវការបែកធ្លាយនូវការឌីស្សាញជាច្រើនរបស់ស្មាតហ្វូននេះផងដែរ។ នៅមុនការប្រកាសនេះ ក្រុមហ៊ុនលក់រាយរបស់វៀតណាម ក៏បានបង្ហាញនូវតម្លៃលក់ស្មាតហ្វូន Galaxy Note 20 series ផងដែរ។
នៅក្នុងបញ្ជីនៃការលក់រាយនេះ គឺមានស្មាតហ្វូនចំនួន 33 នោះគឺ Samsung Galaxy Note 20, Note 20 Ultra (LTE version) និង Note 20 Ultra 5G ។សម្រាប់ស្មាតហ្វូន Samsung Galaxy Note 20 នេះគឺមានតម្លៃ 22,990,000 VND ឬប្រហែលជា 1000 ដុល្លារ។ សម្រាប់ស្មាតហ្វូនប្រភេទ Ultra មានពីរប្រភេទទៀតនោះគឺ LTE និង 5G ។ ស្មាតហ្វូន Note 20 Ultra LTE នេះ មានតម្លៃ 25,990,000 VND ឬ $1121 ។ ស្មាតហ្វូនម៉ូឌែល Note 20 Ultra 5G នេះគឺមានតម្លៃ 29,990,000 VND ឬ $1300 ។ ពេលនេះ យើងនឹងធ្វើការប្រៀបធៀបទៅលើតម្លៃរបស់ស្មាតហ្វូន Galaxy S20 series ។ សម្រាប់ស្មាតហ្វូន Galaxy Note 20 (LTE) នេះ គឺមានតម្លៃស្រដៀងគ្នាទៅនឹងស្មាតហ្វូន S20 ។ ខណៈពេលដែលស្មាតហ្វូន Note 20 Ultra 5G នឹងមានតម្លៃថោកជាងស្មាតហ្វូន S20 Ultra ។
គួរបញ្ជាក់ផងដែរថា ស្មាតហ្វូននេះ នឹងមានអេក្រង់ទំហំ 6.9 inches 1440 x 3200-pixel ។សម្រាប់កាមេរ៉ាខាងក្រោយរបស់ស្មាតហ្វូននេះគឺមានទំហំ 108-megapixel sensor, 13-megapixel, 12-megapixel sensors ។សម្រាប់កាមេរ៉ាខាងមុខនោះគឺមានទំហំ 40-megapixel ។ ស្មាតហ្វូននេះមានបន្ទះឈីប Exynos 992 ។ ស្មាតហ្វូននេះមានថាមពលថ្មទំហំ 4500 mAH និង ៣ ពណ៌សម្រាប់ធ្វើការជ្រើសរើសនោះគឺពណ៌ Mint Green, Bronze Gold និង Grey ។ សម្រាប់ស្មាតហ្វូន Note 20 Ultra នេះគឺមានពណ៌ Milky Black, White crystal, Gold bronze ៕