នៅក្នុលពេលបច្ចុប្បន្ននេះ នៅពេលដែលនិយាយអំពីដំណោះស្រាយទៅលើបច្ចេកវិទ្យាសាកថ្ម ក្រុមហ៊ុនម៉ាកយីហោអេឡិចត្រូនិច BBK ដែលមានក្រុមហ៊ុន OPPO, vivo និង realme គឺកំពុងតែនាំមុខទៅលើបច្ចេកវិទ្យានេះហើយ។ បើមើលទៅលើពេលនេះ ក្រុមហ៊ុន OPPO ក៏បានត្រៀមប្រកាសចេញនូវបច្ចេកវិទ្យាសាកថ្មីផងដែរនោះ គឺ 125W Charging។
បច្ចេកវិទ្យាសាកថ្មថ្មីនេះ គឺនឹងប្រកាសចេញនៅថ្ងៃទី 15 ខែកក្កដាស្អែកនេះហើយ បច្ចេកវិទ្យានេះ នឹងប្រើប្រាស់ដោយក្រុមហ៊ុន OPPO, realme, vivo និង iQoo នៅក្នុងពេលដ៏ខ្លីខាងមុខនេះ។ បើសិនជាយើង មើលទៅលើបច្ចេកវិទ្យាកាលពីមុន គឺបង្ហាញថា ក្រុមហ៊ុន OPPO គឺមានការបង្កើនពីបច្ចេកវិទ្យា 65W ទៅកាន់ 125W ហើយសម្រាប់ការទម្លាយចេញនូវព័ត៌មាននេះ គឺមិនមានអ្វីច្រើនទៀតនោះទេ។
សូមជំរាបថា នៅថ្ងៃនេះ ក្រុមហ៊ុន iQoo ក៏បានបង្ហាញនូវបច្ចេកវិទ្យាសាកថ្ម 120W Super Flash Charger របស់ខ្លួននៅក្នុងប្រទេសចិនផងដែរ។ សម្រាប់ Charger ថ្មីនេះ នឹងអាចបញ្ចូលថាមពលថ្មទំហំ 4000mAh នៅក្នុងរយៈពេល 15 នាទីប៉ុណ្ណោះ ដែលនេះបង្ហាញយ៉ាងច្បាស់ថា ក្រុមហ៊ុន vivo ក៏បានធ្វើការបោះជំហានទៅមុខ និងការបង្ហាញនូវបច្ចេកវិទ្យា 120W Super Flash Charging ដែលខ្លួនបានប្រកាសនៅក្នុងខែមិថុនាឆ្នាំ 2019 កន្លងទៅនេះផងដែរ។ សម្រាប់ក្រុមហ៊ុន Xiaomi ក៏បានប្រកាសចេញនូវ 100W Charger របស់ខ្លួនផងដែរ ដែលមានសមត្ថភាពអាចបញ្ចូលថាមពលថ្មពេញ ដោយចំណាយពេលតែ 17 នាទីប៉ុណ្ណោះ៕