នៅក្នុងសង្គ្រាមពាណិជ្ជកម្មរវាងសហរដ្ឋអាមេរិក និងចិនដែលស្ថិតនៅក្នុងស្ថានភាពកាន់តែរញ៉េរញ៉ៃនោះ ក្រុមហ៊ុនបច្ចេកវិទ្យាជាច្រើន ក៏បានត្រៀមនូវអ្វីដែលនឹងអាចកើតឡើងផងដែរ។ ក្រុមហ៊ុនបច្ចេកវិទ្យារបស់អាមេរិកនេះ ក៏មានហាមប្រាមការសហការជាមួយនឹងក្រុមហ៊ុនជាច្រើនរបស់ចិន។ នៅក្នុងលក្ខខណ្ឌនៃការហាមប្រាមដ៏អាក្រក់នេះ គឺបានធ្វើអោយកាន់តែមានស្ថានភាពលំបាកសម្រាប់ក្រុមហ៊ុនបច្ចេកវិទ្យាយក្សរបស់ចិន Huawei ផងដែរ។
សម្រាប់ពេលនេះ នៅមិនមានការហាមប្រាមទៅលើក្រុមហ៊ុនសហរដ្ឋអាមេរិកណាមួយពីប្រទេសចិននោះទេ។ យ៉ាងណាមិញ បើសហរដ្ឋអាមេរិក កាន់តែរឹតបន្តឹងទៅលើប្រទេសចិននោះ មិនយូរនោះទេវាពិតជាមានការសងសឹកជាក់ជាមិនខាន។ ប្រសិនបើវាមានការសងសឹកណាមួយចេញពីប្រទេសចិននោះ ក្រុមហ៊ុន Apple នឹងក្លាយជាក្រុមហ៊ុនមុនគេជាក់ជាមិនខាន។ នៅទីបំផុត ក្រុមហ៊ុនអាមេរិកមួយនេះក៏ត្រូវតែរកវិធីដោះស្រាយផងដែរ។
ដើម្បីធ្វើការធានានូវស្ថេរភាពនៃការផ្គត់ផ្គង់ទៅលើ iPhone នៅក្នុងទីផ្សាររបស់ចិននោះ ក្រុមហ៊ុន Apple ក៏កំពុងតែធ្វើការបង្កើតនូវខ្សែសង្វាក់ផ្គត់ផ្គង់ហៅថា “purebred”។ សម្រាប់រោងចក្រ Wistron នៅក្នុងប្រទេសចិន ពលេនេះ នឹងក្លាយជាកន្លែងធ្វើការផលិតនូវ iPhone ហើយអ្វីដែលសំខាន់សម្រាប់ទីផ្សាររបស់ចិននោះ គឺក្រុមហ៊ុន Apple ខ្លួនឯងនោះទេ ដែលត្រូវឈរជើងនៅក្នុងទីផ្សារស្មាតហ្វូនធំបំផុតរបស់ពិភពលោកនោះ គឺប្រទេសចិន។ ខុសប្លែកពីទីផ្សាររបស់ប្រទេសឥណ្ឌា ដែលផ្តោតទៅលើស្មាតហ្វូនដែលមានតម្លៃថោកនោះ ប្រទេសចិន គឺមានការគាំទ្រគ្រប់ប្រភេទតម្លៃទាំងអស់។ ទីផ្សារស្មាតហ្វូននៅក្នុងប្រទសចិន គឺពិតជាមានការប្រកួតប្រជែងខ្លាំងមែនទែន។
រហូតមកដល់ពេលនេះ ក្រុមហ៊ុន Apple តាមដានយ៉ាងខ្លាំងទៅលើស្ថានភាពរបស់សហរដ្ឋអាមេរិក ចិន ហើយក្រុមហ៊ុននេះក៏គ្រោងនឹងដំណើរការទៅមុខផងដែរ។ បន្ថែមពីនេះទៀតនោះ ក្រុមហ៊ុនផ្គត់ផ្គង់ទៅលើសម្បកលោហធាតុ iPhone ដែលមានឈ្មោះថា Catcher Technology ក៏គ្រោងនឹងលក់ភាគហ៊ុនរបស់ខ្លួនចំនួន 30% ផងដែរ។ ជាចុងក្រោយ ការផលិត iPhone នៅក្នុងប្រទេសចិន គឺត្រូវតែធ្វើឡើងនៅលើទឹកដីរបស់ចិនតែប៉ុណ្នោះ៕
