កាលពីម្សិលមិញនេះ ស្មាតហ្វូន Galaxy Note20 Series បានបង្ហាញជាផ្លូវការរួចហើយជាមួយនឹងផលិតផលជាច្រើនទៀតរបស់ក្រុមហ៊ុន Samsung។ ការបង្ហាញស្មាតហ្វូននេះ គឺមាន 3 ពណ៌គឺ Mystic Green, Mystic Black និង Mystic Bronze ។ នៅថ្ងៃនេះ មានការបែកធ្លាយថ្មីទៀតហើយ ដែលបានទម្លាយនូវស្មាតហ្វូននេះដែលមាន 3 ពណ៌ ដែលក្នុងនោះគឺមានពណ៌ផ្កាឈូកផងដែរ។
រូបភាពជាច្រើនដែលធ្វើការបង្ហោះនៅលើ Twitter របស់អ្នកប្រើប្រាស់មានឈ្មោះថា @TEQHNIKACROSS បានបង្ហាញនូវស្មាតហ្វូន Galaxy Note20 ដែលមានពណ៌ខៀវ ក្រហម និងផ្កាឈូក។ រូបភាពនេះគឺមានការបង្ហាញនៅលើ Samsung Store នៅក្នុងប្រទេសកូរ៉េខាងត្បូងផងដែរ។ បើសិនជាយើងគិតដល់រឿងពីមុនៗ ពណ៍ថ្មីនេះ គឺជារឿងធម្មតាដែលក្រុមហ៊ុនបច្ចេកវិទ្យា Samsung ដែលតែងតែមានស្មាតហ្វូន Flagships ដែលមានច្រើនពណ៌ក្នុងការប្រើប្រាស់នោះ។ អ្នកទម្លាយព័ត៌មានរបស់អាល្លឺម៉ង់ Roland Quandt (@rquandt) ក៏បានធ្វើការចែករំលែកព័ត៌មានដែលមានរូបភាពជាច្រើនរបស់ស្មាតហ្វូន Galaxy Note20 ផងដែរ។
តាមការបញ្ជាក់របស់គាត់នោះ ពណ៌ថ្មីនេះ គឺមានការទម្លាយចេញពី Korea Telecom។ សម្រាប់ពណខៀវ គឺចែកចាយតាមរយៈ SK Telecom។ សូមជំរាបថា Galaxy Note20 គឺជាស្មាតហ្វូន Flagship ចុងក្រោយបំផុតរបស់ក្រុមហ៊ុន Samsung ។ វាមានអេក្រង់ទំហំ 6.7-inch FHD+ Super AMOLED ជាមួយនឹងរន្ធប្រហោង punch hole ។ ស្មាតហ្វូននេះមានបន្ទះឈីប Exynos 990 ឬ Snapdragon 865 Plus processor ។ ស្មាតហ្វូននេះមានរ៉េមទំហំ 8GB និងម៉េមូរីទំហំ 128GB UFS 3.1 storage ថែមទៀត។
ផ្នែកខាងក្រោយរបស់ស្មាតហ្វូននេះគឺមានកាមេរ៉ា 3 គ្រាប់ដែលមានទំហំ 12MP main sensor, 64MP telephoto និង 12MP ultrawide angle ។ នៅលើកាមេរ៉ានេះ គឺមានមុខងារ 3x hybrid optic zoom, 30x Super-Resolution Zoom និងការថតវីដេអូកម្រិត 8K video ជាដើអ។ កាមេរ៉ាខាងមុខរបស់ស្មាតហ្វូននេះគឺមានទំហំ 10MP sensor ។ ស្មាតហ្វូន Galaxy Note20 នេះ គឺមាន IP68, stereo speakers របស់ AKG បច្ចេកវិទ្យាស្កេនក្រយ៉ៅដៃក្រោមអេក្រង់ និងថាមពលថ្មទំហំ 4500mAh ជាមួយនឹងការទ្រទ្រង់នូវបច្ចេកវិទ្យា 25W fast wired charging, wireless charging និង reverse wireless charging ថែមទៀតផង៕
