នៅពេលនេះ ស្មាតហ្វូនត្រកូល realme C-series ត្រូវបានគេសង្កេតឃើញថា បាននឹងកំពុងតែមានការគាំទ្រយ៉ាង ខណៈដែលវត្តមាននៅលើទីផ្សារពេលនេះ គឺមានដូចជាស្មាតហ្វូន realme C11 និង realme C15 និង realme C។ បើនិយាយអំពីស្មាតហ្វូន realme C3 នោះ ពេលនេះ ស្មាតហ្វូនថ្មីនេះ គឺមានការបង្ហាញវត្តមានជាមួយនឹងពណ៌ថ្មីហើយនៅថ្ងៃនេះ។ កន្លងមកស្មាតហ្វូននេះ មាន 2 ពណ៌សម្រាប់ធ្វើការជ្រើសរើសនោះគឺពណ៌ Frozen Blue និង Blazing Red ហើយពេលនេះ ស្មាតហ្វូននេះ បន្ថែមនូវពណ៌ថ្មីមួយទៀតហៅថា Volcano Gray។
ជាមួយនឹងវត្តមានស្មាតហ្វូនពណ៌ថ្មីនេះ គឺត្រូវបានបង្ហាញដោយ Madhav Sheth ដែលជានាយកប្រតិបត្តិរបស់ក្រុមហ៊ុន realme តែម្តង។ សម្រាប់ពណ៌ថ្មីរបស់ស្មាតហ្វូននេះ បានបង្ហាញខ្លួននៅលើ realme របស់ប្រទេសឥណ្ឌា នៅលើហាងអនឡាញ។
ស្មាតហ្វូន realme C3 នេះ មានអេក្រង់ទំហំ 6.5-inch HD+ ជាមួយនឹងអេក្រង់ដំណក់ទឹក waterdrop notch ដែលមានកាមេរ៉ាទំហំ 5MP។ ស្មាតហ្វូននេះមានបន្ទះឈីប Helio G70 និងមានរ៉េមទំហំ 4GB និងម៉េមូរីទំហំ 64GB ផងដែរ។សម្រាប់ផ្នែកខាងក្រោយរបស់ស្មាតហ្វូននេះគឺមានកាមេរ៉ាទំហំ 12MP+2MP។ ស្មាតហ្វូននេះ មានរន្ធដោតចំនួន 3 ដែលក្នុងនោះមានរន្ធសម្រាប់ដោត MicroSD card ផងដែរ។ ស្មាតហ្វូននេះមានថាមពលថ្មទំហំ 5000mAh និងបច្ចេកវិទ្យា 10W charging ថែមទៀត។ ស្មាតហ្វូននេះដំណើរការនូវ Android 10 ជាមួយនឹង realme UI ផងដែរ៕