នៅថ្ងៃនេះ ក្រុមហ៊ុន Samsung Electronics បានបញ្ចេញនូវរបាយការណ៍សម្រាប់ត្រីមាសទី 2 ឆ្នាំ 2020។ យោងតាមបាយការណ៍ហិរញ្ញវត្ថុថ្មីៗនេះ មានការបង្ហាញថា ប្រាក់ចំណេញសម្រាប់ត្រីមាសទី 2 របស់ក្រុមហ៊ុន Samsung នេះ គឺមានចំនួន 52.97 ពាន់ពាន់លានវ៉ុន ($44.477 ពាន់លានដុល្លារ) ដែលមានការធ្លាក់ចុះ 5.63% ចេញពី 56.13 ពាន់ពាន់លានវ៉ុននៅក្នុងរយៈពេលដូចគ្នាទៅនឹងឆ្នាំមុននេះ។
ប្រាក់ចំណេញដុលម្ចាស់ភាគហ៊ុនជាច្រើនរបស់ក្រុមហ៊ុន Samsung គឺមានចំនួន 5.49 ពាន់ពាន់លានវ៉ុន ($4.609 ពាន់លានដុល្លារ) ដែលមានការកើនឡើង 8.38% ពី 5.06 ពាន់ពាន់លានវ៉ុននៅក្នុងពេលវេលាដូចគ្នាទៅនឹងឆ្នាំមុននេះ។ តាមការបញ្ជាក់នៅក្នុងរបាយការណ៍ហិរញ្ញវត្ថុនេះ បានអោយដឹតងទៀតថា ការលក់បន្ទះឈីបរបស់ក្រុមហ៊ុន Samsung សម្រាប់ត្រីមាសទី 2 នេះ គឺមានចំនួន 18.23 ពាន់ពាន់លានវ៉ុន (ប្រហែលជា $15.308 ពាន់លានដុល្លារ) និងប្រាក់ចំណេញចំនួន 5.43 ពាន់ពាន់លានវ៉ុន (ប្រហែលជា $4.560 ពាន់លានដុល្លារអាមេរិក)។
ក្រុមហ៊ុន Samsung Electronics បាននិយាយថា អាជីវកម្មបន្ទះឈីបរបស់ក្រុមហ៊ុន Samsung នៅក្នុងត្រីមាស និងឆមាសទី 1 នេះគឺមានការកើនឡើង។ យ៉ាងណាមិញក្រុមហ៊ុន Samsung Electronics មិនបង្ហាញនូវប្រាក់ចំណូលនេះនៅក្នុងសេចក្តីប្រកាសព័ត៌មានរបស់ខ្លួននោះទេ៕