នៅទីបំផុត ក្រុមហ៊ុន Asus បានប្រកាសចេញជាផ្លូវការនូវវត្តមានរបស់កុំព្យូទ័រ ROG Zephyrus G14 នៅក្នុងប្រទេសឥណ្ឌាហើយ។ កុំព្យូទ័រនេះ គឺមានតម្លៃ ₹80,990 ត្រូវបានក្រុមហ៊ុនបំពាក់នូវបន្ទះឈីបចុងក្រោយបំផុត AMD Ryzen 4 series CPUs ប្រព័ន្ធស្កេនក្រយ៉ៅដៃ និងអេក្រង់ដែលមានកម្រិត 120Hz refresh rate និងជាច្រើនទៀត។ ក្រុមហ៊ុន Asus ក៏មានប្រើប្រាស់នូវគែមម៉ាញេស្យូមដែលធន់ក្នុងការប្រើប្រាស់ និងស្រាលក្នុងការប្រើប្រាស់ថែមទៀតផង។
ROG Zephyrus G14 គឺមានវិមាត្រ 17.9mmនិងទម្ងន់ 1.6kg ។ វាក៏មាន AniMe Matrix LED strip នៅផ្នែកខាងក្រោយរបស់កុំព្យូទ័រនេះផងដែរ។ ក្រុមហ៊ុន Asus នេះ មានភ្លើង 1215 mini-LEDs ហើយវាក៏មានការបង្ហាញនូវឡូហ្គោ រូបភាព និងរូបភាព animations, audio visualizations, notifications និងជាច្រើនទៀត។ សម្រាប់អេក្រង់វិញនោះ ROG Zephyrus G14 មានទំហំ 14-inches ដែលអ្នកអាចធ្វើការជ្រើសរើសនៅក្នុងកម្រិត 1080p នៅក្នុង 60/120Hz refresh rate និងអេក្រង់ 1440p ជាមួយនឹងកម្រិត 60Hz refresh rate ថែមទៀត។
ក្រុមហ៊ុន Asus បាននិយាយថា កុំព្យូទ័រ ROG Zephyrus G14 នេះគឺមានគែម Bezels ស្តើងជាងមុន និងមានកម្រិត 85% បើធៀបទៅនឹងតួខ្លួនរបស់វាថែមទៀតផង។ អេក្រង់នេះ គឺមានកម្រិតពណ៌ 100% sRGB colour gamut ថែមទៀត។កុំព្យូទ័រ ROG Zephyrus G14 នេះគឺមានបន្ទះឈីប AMD Ryzen 4 CPUs ។ យើងមាន CPU configurations ចំនួន 3 គឺ- Ryzen 5 4600HS, Ryzen 7 4800HS និង Ryzen 9 4900HS ។ យើងក៏មានក្រាហ្វិកកាត NVIDIA GeForce GTX 1650, 1650Ti, 1650 Ti Max-Q និង 6GB DDR6 RTX 2060 Max-Q ដែលមានល្បឿន 1298MHz ផងដែរ។
សម្រាប់ RAM នៅលើកុំព្យូទ័រ Zephyrus នេះ គឺមានរ៉េមទំហំ 32GB DDR4 នៅក្នុងកម្រិត 3200MHz និង 1TB M.2 NVMe PCIe 3.0 SSD configurations ថែមទៀតផង។ កុំព្យូទ័រនេះទ្រទ្រង់នូវ Wi-Fi 6, Bluetooth 5.0, 2×2.5W speaker ជាមួយនឹងបច្ចេកវិទ្យា Smart AMP technology, Dolby Atmos និង 2×0.7W tweeter, array microphone, 2xUSB 3.2 Type-A, 2x USB-C Gen2, 1xHDMI 2.0, 1×3.5mm audio jack ports សម្រាប់ការតភ្ជាប់ទំនាក់ទំនងថែមទៀត។
កុំព្យូទ័រ ROG Zephyrus G14 នេះមានពណ៌ Eclipse Grey, Moonlight White ហើយវាមានតម្លៃ ₹80,990 ដោយគ្មានភ្លើង LED strips ខណៈពេលដែល AniMe LED strips គឺមានតម្លៃ ₹98,990 ។ កុំព្យូទ័រនេះ គឺបង្ហាញខ្លួននៅលើអនឡាញរបស់ Amazon នៅក្នុងប្រទេសឥណ្ឌា៕
