តាមដំណឹងថ្មី អោយដឹងថា ក្រុមហ៊ុន Apple ត្រៀមខ្លួនក្នុងការបញ្ចេញនូវស្មាតហ្វូន Flagship របស់ខ្លួនហើយគឺស្មាតហ្វូន iPhone 12 ស្របពេលដែលមានព័ត៌មានជាច្រើនទៀតអំពីបច្ចេកវិទ្យាជាច្រើន ដែលមានការបែកធ្លាយនៅលើបណ្តាញ Network នេះផងដែរ។ នៅក្នុងពេលនេះ ប្រភពជាច្រើនចេញពីចិន បានធ្វើការទម្លាយនូវរូបភាពនៃផ្នែកខាងក្រោយនៃស្មាតហ្វូននេះ។ នេះគឺជាផ្នែកមួយនៃស្មាតហ្វូន iPhone 12 Pro Max ដែលជាម៉ូឌែលដែលមានតម្លៃថ្លៃបំផុតនៅក្នុងត្រកូល iPhone 2020 Series នេះ។ សម្បកទូរស័ព្ទនេះ គឺមានពណ៌ខៀវជាមួយនឹងរន្ធប្រហោងធំ 3 សម្រាប់កាមេរ៉ារបស់វា។
ប្រភពខាងលើនេះ និយាយថា iPhone 12 Pro Max នឹងមានអេក្រង់ទំហំ 6.7-inch OLED ជាមួយនឹងកម្រិត refresh rate120 Hz, 5-nanometer A14 Bionic SoC, 6GB, 128GB, 256GB ឬ 512GB និងប្រព័ន្ធប្រតិបត្តិការ iOS 14 ថែមទៀតផង។ កាមេរ៉ាគោលរបស់ស្មាតហ្វូននេះគឺមានទំហំ 12-megapixel wide-angle module, 12-megapixel telephoto module, 12-megapixel ultra-wide-angle module និង 3D ToF ថែមទៀតផង។ កាមេរ៉ាខាងមុខរបស់ស្មាតហ្វូននេះគឺ 12MP wide-angle និង 3D modules ផងដែរ។
ប្រភពដដែលបានបន្ថែមថា iPhone 12 នឹងបង្ហាញខ្លួននៅថ្ងៃទី 12 ខែតុលានេះ ខណៈដែលពាក្យចចាមអារ៉ាមជាច្រើនអំពីព្រឹត្តិការណ៍របស់ Apple នេះនៅថ្ងៃទី 10 ខែកញ្ញានេះ ប៉ុន្តែវាក៏មានវត្តមានរបស់ថេប្លេត iPad 8 និង iPad Pro រួមជាមួយនឹងវត្តមានរបស់នាឡិកា Apple Watch 6 ផងដែរ។ តាមការស្រាវជ្រាវថ្មីមួយរបស់អ្នកវិភាគ Ming-Chi Kuo នោះ ក្រុមហ៊ុន Apple ក៏មានគោលដៅក្នុងការបញ្ចុះតម្លៃអោយទាបសម្រាប់សមាសភាគសម្រាប់ស្មាតហ្វូន iPhone 12 នេះទោះបីជាមានការកើនឡើងនៃតម្លៃទៅលើបច្ចេកវិទ្យា 5G technology ក៏ដោយនោះ។ សម្រាប់តម្លៃនៃសមាសភាគជាច្រើនរបស់វាគឺមានចន្លោះពី $125-135 ។ យើងរំពឹងថា ស្មាតហ្វូន iPhone12 នឹងបង្ហាញខ្លួននៅក្នុងខែតុលាឆ្នាំនេះ៕