បន្ទាប់ពីការបែកធ្លាយអស់រយៈពេលជាច្រើនសប្តាហ៍ហើយនោះ ស្មាតហ្វូនត្រកូល realme 7 series បានប្រកាសជាផ្លូវការនៅក្នុងប្រទេសឥណ្ឌាហើយ។ ស្មាតហ្វូននេះមាន 2 ម៉ូឌែលនោះគឺ realme 7 និង realme 7 Pro ។ នេះគឺជាស្មាតហ្វូនដំបូងបំផុតរបស់ពិភពលោកដែលមានបន្ទះឈីប Helio G95 gaming-centric MediaTek ដែលបង្ហាញខ្លួនជាផ្លូវការនៅក្នុងពេលថ្មីៗនេះ។ ស្មាតហ្វូនទាំងពីរនេះ គឺមានអេក្រង់កម្រិត 120Hz refresh rate, 64-megapixel និងបច្ចេកវិទ្យាសាកថ្ម 65W fast charging technology ថែមទៀតផង។
ស្មាតហ្វូន realme 7 នេះគឺមានវិមាត្រ 162.3 x 75.4 x 9.4mm និងទម្ងន់ 196.5 g។ ស្មាតហ្វូននេះ មានពណ៌ទាក់ទាញខ្លាំងមែនទែននោះគឺ Mist White និង Mist Blue ។ ស្មាតហ្វូន realme 7 Pro នេះមានវិមាត្រ 160.9 x 74.3 x 8.7mm និងទម្ងន់ 182 g ។ ស្មាតហ្វូន realme 7 នេះមានអេក្រង់ទំហំ 6.5-inch IPS LCD ខណៈពេលដែលស្មាតហ្វូន Realme 7 Pro មានអេក្រង់ទំហំ 6.4-inch AMOLED ។
ស្មាតហ្វូនទាំងពីរនេះទ្រទ្រង់ទៅលើកម្រិតភាពច្បាស់ Full HD+ និង 20:9 aspect ratio ។ ស្មាតហ្វូន realme 7 នេះមានកម្រិតអេក្រង់ 90Hz refresh rate ខណៈពេលដែលស្មាតហ្វូន realme 7 Pro ទ្រទ្រង់ទៅលើកម្រិតអេក្រង់ 60Hz refresh rate ។ ស្មាតហ្វូនទាំងពីរនេះក៏មានកញ្ចក់ការពារ Gorilla Glass ផងដែរ។ ស្មាតហ្វូន realme 7 មានកញ្ចក់ 90.5% ធៀបទៅនឹងតួខ្លួនរបស់វា ខណៈពេលដែលស្មាតហ្វូន realme 7 Pro គឺមានអេក្រង់ត្រឹមតែ 90.8% ប៉ុណ្ណោះ។
ស្មាតហ្វូន realme 7 នេះ គឺមានបន្ទះឈីប 2.05GHz Helio G95 ខណៈពេលដែលស្មាតហ្វូន realme 7 Pro គឺមានបន្ទះឈីប 2.3GHz Snapdragon 720G ។ ស្មាតហ្វូននេះគឺមានរ៉េម LPDDR4x RAM, UFS 2.1 storage និងរន្ធដោត microSD card slot ។ ស្មាតហ្វូនទាំងពីរនេះដំណើរការនូវ realme UI និង Android 10 OS។ ស្មាតហ្វូន realme 7 នេះ មានថាមពលថ្មទំហំ 5,000mAh ខណៈពេលដែលម៉ូឌែល Pro គឺមានថាមពលថ្មទំហំ 4,500mAh។ ស្មាតហ្វូននេះ ទ្រទ្រង់នូវបច្ចេកវិទ្យា 30W Dart Charge technology ខណៈពេលដែលម៉ូឌែល Pro គឺមានបច្ចេកវិទ្យា 65W SuperDart technology។
ស្មាតហ្វូន realme 7 Pro អាចបញ្ចូលថាមពលថ្មត្រឹមតែ 34 នាទីប៉ុណ្ណោះ។ ស្មាតហ្វូន realme 7 series នេះ មានការតភ្ជាប់ជាច្រើន ដូចជា dual 4G VoLTE, Wi-Fi 802.11ac, Bluetooth 5.0 (realme 7) និង 5.1 (Pro), GPS, USB-C និងរន្ធដោតកាសស្តាប់ 3.5mm headphone slot ថែមទៀត។ ស្មាតហ្វូន realme 7 Pro ក៏មាន stereo speakers ផងដែរ៕
