Tecno គឺជាក្រុមហ៊ុនបច្ចេកវិទ្យាថ្មីមួយ ដែលមិនទាន់មានឈ្មោះល្បីល្បាញខ្លាំងបំផុតនៅក្នុងទីផ្សារពិភពលោកនោះទេ ប៉ុន្តែសម្រាប់ទីផ្សារក្នុងតំបន់ជាច្រើន ដែលប្រើប្រាស់សា្មតហ្វូនលំដាប់ថវិកា ក្រុមហ៊ុនបច្ចេកវិទ្យានេះ គឺពិតជាមានកេរ្តិ៍ឈ្មោះខ្លាំងក្លាមែនទែន។ នេះគឺជាហេតុផលដែលស្មាតហ្វូន Tecno Camon 16 Premier ក៏ក្លាយជាស្មាតហ្វូន ដែលមានចំណុចមួយចំនួនដែលគួរអោយចាប់អារម្មណ៍ផងដែរ។
Camon 16 Premier គឺជាស្មាតហ្វូន ដែលមានការឌីស្សាញជាមួយនឹងកាមេរ៉ា 4 គ្រាប់ និងភ្លើង LED Flash ។ ស្មាតហ្វូននេះ គឺស្រដៀងគ្នាទៅនឹងស្មាតហ្វូន Infinix Zero 8។ នេះគឺដោយសារតែស្មាតហ្វូនទាំងពីរនេះគឺចេញពីក្រុមហ៊ុនតែមួយ គ្រាន់តែវាផ្តោតទៅលើទីផ្សារផ្សេងៗគ្នាប៉ុណ្ណោះ។ សម្រាប់ប្រអប់លក់រាយរបស់ស្មាតហ្វូននេះគឺមានពណ៌ទឹកប្រាក់ ហើយវាមានអេក្រង់ទំហំ 6.9” LCD និងថាមពលថ្មទំហំ 4,500 mAh។
ស្មាតហ្វូននេះ គឺមានបច្ចេកវិទ្យា 33W fast-charging ថែមទៀត។ ស្មាតហ្វូន Camon 16 Premier នេះគឺមាន UI របស់ក្រុមហ៊ុននេះតែម្តង។ គួរបញ្ជាក់ផងដែរថា ស្មាតហ្វូន Tecno Camon 16 នេះគឺមានតម្លៃ $275 ៕