no-alternative title
no-alternative title
no-alternative title
no-alternative title
no-alternative title
no-alternative title
no-alternative title

ការបង្ហាញខ្លួនរបស់ Huawei Mate 40 Series សម្រាប់ទីផ្សារសកល ត្រូវបានលោក Evan Blass បញ្ជាក់ថា នឹងត្រូវពន្យាពេលរហូតដល់ដើមឆ្នាំក្រោយ

ក្រុមហ៊ុន Huawei បានប្រកាសបង្ហាញនូវកំពូលឈីបជំនាន់ថ្មីចុងក្រោយរបស់ខ្លួនគឺ Kirin 9000 រួចហើយនៅក្នុងព្រឹត្តិការណ៍ពិពណ៌បច្ចេកវិទ្យា IFA ដែលប្រារព្ធធ្វើឡើងកាលពីថ្ងៃទី 3 ដើមខែកញ្ញានេះ ហើយក្នុងនោះក្រុមហ៊ុនក៏បានបង្ហើបបង្ហាញនូវព័ត៌មានលម្អិតអំពីកំពូលស្មាតហ្វូនជំនាន់ចុងក្រោយរបស់គឺ Huawei Mate 40 Series ផងដែរ។

 

no-alternative title

ប៉ុន្តែយ៉ាងណាមិញសម្រាប់សមត្ថផលធំៗទាំងពីរនេះមិនទាន់បានបង្ហាញវត្តមានជាក់លាក់នោះទេកាលពីកំឡុងព្រឹត្តិការណ៍សន្និសិទ្ធិប្រចាំឆ្នាំរបស់ក្រុមហ៊ុន (HDC2020)។ ដោយឡែកក្នុងពេលនេះក៏មានព័ត៌មានចចាមអារ៉ាមថ្មីមួយបាននិយាយថាគ្រប់គ្នាអាចនឹងបានឃើញវត្តមានជាក់លាក់នៃកំពូលស្មាតហ្វូនជំនាន់ថ្មីរបស់ Huawei នៅដើមឆ្នាំក្រោយ (2021)។ 

អ្នកទម្លាយព័ត៌មានចចាមអារ៉ាមដ៏ល្បីល្បីមួយរូបគឺលោក Evan Blass បានប្រាប់អោយដឹងនៅលើបណ្តាញធ្វីស្ទ័ររបស់លោកថា “កំពូលស្មាតហ្វូន Huawei Mate 40 Series ត្រូវបានគេរំពឹងទុកថានឹងមានវត្តមានផ្លូវការណ៍នៅទីផ្សារប្រទេសចិនក្នុងឆ្នាំនេះ ប៉ុន្តែសម្រាប់ទីផ្សារសកលអាចនឹងត្រូវពន្យាពេល។ ទោះយ៉ាងណា Huawei មិនបានបង្ហាញពីផែនការណ៍ជាក់លាក់ ឬក៏ពេលវេលាដែលខ្លួនត្រូវដាក់សម្ភោធន៍កំពូលស្មាតហ្វូនជំនាន់ថ្មីនោះទេ”។ កាលពីឆ្នាំ 2019 កំពូលស្មាតហ្វូន Huawei Mate 30 Series ត្រូវបានក្រុមហ៊ុនប្រកាសចេញលក់នៅទីផ្សារប្រទេសចិននាកំឡុងចុងខែកញ្ញា និងប្រកាសចេញលក់ក្នុងចំនួនមានកំនត់សម្រាប់ទីផ្សារអឺរ៉ុបនាកំឡុងខែវិច្ឆិកា។ ហើយក្រោយមក Huawei បានប្រកាសចេញលក់នៅលើទីផ្សារថ្មីមួយចំនួនទៀតនាចុងខែមករាឆ្នាំ 2020។ ដូច្នេះសម្រាប់ ការចេញលក់របស់ Mate 40 Series អាចនឹងដើរតាមលំនាំនៃជំនាន់ Mate 30 Series ដែរ។ 

នៅពីក្រោយភាពមិនទាន់ច្បាស់លាស់នេះក្រុមហ៊ុន Huawei ត្រូវបានគេដឹងថានឹងផ្តាច់ចំណងមិត្តភាពជាដៃគូសហការជាមួយក្រុមហ៊ុនផលិតបន្ទះឈីប TSMC នៅថ្ងៃនេះ ហើយក្រុមហ៊ុនក៏អាចនឹងផ្តាច់ចំណងមិត្តភាពសហការក្នុងការទទួលយកបន្ទះអេក្រង់ OLED ដែលផ្គត់ផ្គងដោយក្រុមហ៊ុន Samsung និង LG Display ផងដែរក្នុងពេលឆាប់ៗនេះ។ Huawei បានបញ្ជាក់ថាក្នុងខណៈពេលនេះខ្លួនមិនមានឈីបគ្រប់គ្រាន់សម្រាប់ការផលិតស្មាតហ្វូនកំពូលរបស់ខ្លួននោះទេ។ ហើយបើតាមប្រភពព័ត៌មានបានអោយដឹងថាខណៈពេលនេះក្នុងស្តុករបស់ Huawei គឺមានឈីបសម្រាប់តែស្មាតហ្វូន 10 លានគ្រឿងតែប៉ុណ្ណោះ ហើយ Huawei នឹងងាកទៅប្រើប្រាស់បន្ទះអេក្រង់ OLED ដែលផ្គត់ផ្គង់ដោយក្រុមហ៊ុនក្នុងស្រុកគឺ BOE វិញ។ ទោះជាយ៉ាងណាការផលិតបន្ទះអេក្រង់ក្រុមហ៊ុនចិននេះគឺមានចំនួនគ្រប់គ្រាន់សម្រាប់ផ្គត់ផ្គង់ទីផ្សារក្នុងប្រទេសចិនតែប៉ុណ្ណោះ។ 

ប្រភពព័ត៌មានបានបន្តថាកំពូលស្មាតហ្វូន Huawei Mate 40 Series អាចនឹងមានផលពិបាកក្នុងការចេញលក់នៅលើទីផ្សារសកលដោយក្នុងនោះទីផ្សារអាមេរិចគឺត្រូវបិទជិតតែម្តង ហើយទីផ្សារប្រទេសឥណ្ឌាវិញក៏អាចនឹងមិនទទួលស្វាគមន៍ដោយកក់ក្តៅនោះដែរ។ ដោយឡែកសម្រាប់ទីផ្សារប៉ែកអឺរ៉ុបវិញគឺមិនទាន់ច្បាស់នៅឡើយទេ ព្រោះថាបច្ចុប្បន្ននេះមានប្រទេសជាច្រើនបានធ្វើការហាមឃាត់ក្នុងការចរាចរលក់ និងប្រើប្រាស់ឧបករណ៍ជាច្រើនរបស់ Huawei ប៉ុន្តែសម្រាប់ស្មាតហ្វូនគឺមិនទាន់មានការហាមឃាតនៅឡើយទេក្រៅតែពីសហរដ្ឋអាមេរិក។ ទាក់ទិននឹងបញ្ហានេះក្រុមហ៊ុន Huawei បានធ្វើការព្យាករណ៍ថាការលក់ Huawei Mate 40 Series អាចនឹងថយចុះប្រមាណជា 30%។  ការព្យាករណ៍ថ្មីៗនេះបាននិយាយថា Huawei Mate 40 Series នឹងត្រូវបង្ហាញខ្លួនក្នុងទីផ្សារប្រទេសចិននៅពាក់កណ្តាលខែតុលា, 2020 ប៉ុន្តែកាលពីកំឡុងសន្និសិទ្ធិប្រចាំឆ្នាំរបស់ក្រុមហ៊ុន “Huawei Developer Conference” លោក Richard Yu ដែលជានាយកប្រតិបត្តិការជាន់ខ្ពស់របស់ Huawei មិនបានធ្វើការឆ្លើយតបទៅកាន់អ្នកសារព័ត៌មាននោះទេទាក់ទងទៅនឹងការលើកឡើងនេះនោះទេ៕

 

no-alternative title

ព័ត៌មានពាណិជ្ជកម្ម