រហូតមកដល់ពេលនេះ មានស្មាតហ្វូនដែលអាចបត់បានជាច្រើនដែលមានវត្តមាននៅលើទីផ្សារ ហើយស្មាតហ្វុនទាំងនេះពិតជាមានតម្លៃថ្លៃមែនទែន។ នៅក្នុងពេលដែលមានការធ្លាក់ចុះនៃសេដ្ឋកិច្ចនៅក្នុងពេលបច្ចុប្បន្ននេះដោយសារតែមេរោគរាតត្បាតកូរ៉ូណាវីរុសនោះ មនុស្សជាច្រើន នឹងមិនចង់ចំណាយទៅលើទឹកប្រាក់ចំនួន 2000 ដុល្លារអាមេរិកនោះទេ ទៅលើស្មាតហ្វូននោះ។ យ៉ាងណាមិញ ស្មាតហ្វូន Samsung Galaxy Z Fold 2 គឺលក់នៅក្នុងតម្លៃ $2000 ហើយការកម្មង់ទិញមុនរបស់ស្មាតហ្វូននេះ គឺពិតជារឿងដែលគួរអោយភ្ញាក់ផ្អើលមែនទែន។
មានការបង្ហាញថា ស្មាតហ្វូន Galaxy Z Fold 2 នេះបានទាក់ទាញនូវអ្នកប្រើប្រាស់ជាច្រើនដោយសារតែស្មាតហ្វូននេះមានការឌីស្សាញស្រស់ស្អាត និងសមត្ថភាពជាច្រើនទៀត។ តាមការបញ្ជាក់នៅក្នុងរបាយការណ៍ជាច្រើននោះ ស្មាតហ្វូននេះគឺមានការកម្មង់ទិញមុនចំនួន 50000 គ្រឿងនៅក្នុងប្រទេសកូរ៉េខាងត្បូង។ នេះគឺជាកំណត់ត្រាថ្មី ហើយវាក៏មានការពង្រឹងជាច្រើនទៅលើស្មាតហ្វូន Galaxy Fold នេះ។ ក្រុមហ៊ុន Samsung គឺផ្តល់នូវការកម្មង់ទិំញមុនសម្រាប់ស្មាតហ្វូន Galaxy Fold ចំនួន 30000 គ្រឿងនៅក្នុងប្រទេសកូរ៉េខាងត្បូង ហើយវាក៏មានការបញ្ជាទិញចំនួន 1000 គ្រឿងផងដែរនៅក្នុងការលក់ដំបូងនេះ។ សម្រាប់អតិថិជនទិញស្មាតហ្វូនចំនួន 50000 គ្រឿងនេះ គឺមានតម្លៃថ្លៃ។ នៅចុងសប្តាហ៍នេះ វាមានការកើនឡើងនៃចំនួនស្មាតហ្វូននេះដល់ទៅ 60000 គ្រឿង។
នៅក្នុងប្រទេសចិន ស្មាតហ្វូននេះគឺលក់នៅក្នុងតម្លៃ 16,999 yuan ($2,496) ហើយការកម្មង់ទិញស្មាតហ្វូននេះគឺចាប់ផ្តើមនៅក្នុងថ្ងៃទី 9 ខែកញ្ញានេះដល់ថ្ងៃទី 24 ខែកញ្ញានេះ។ បន្ថែមពីនេះទៀតនោះ ស្មាតហ្វូន Galaxy Z Fold 2 Thom Browne limited edition គឺមានតម្លៃ 27,199 yuan ($3994) ។ កាសស្តាប់ Samsung Galaxy Buds Live និងនាឡិកា Samsung Galaxy Watch3 ជាមួយនឹងពណ៌ Thom Browne classic ដែលនឹងដាក់លក់នៅថ្ងៃទី 25 ខែកញ្ញានេះ។ ស្មាតហ្វូន Fold2 Thom Browne limited edition នៅក្នុងប្រទេសចិននេះគឺមានរយៈពេល ៤ នាទីប៉ុណ្ណោះសម្រាប់ការលក់ Pre-sale នេះ។
ស្មាតហ្វូន Galaxy Z Fold 2 នេះគឺមានអេក្រង់ទំហំ 7.6-inch ជាមួយនឹងគែមស្តើង Bezel របស់វា។ ស្មាតហ្វូននេះគឺមានកម្រិតភាពច្បាស់ 2213 x 1689 pixels និងទ្រទ្រង់នូវ 120Hz refresh rate ។ ស្មាតហ្វូននេះគឺមានអេក្រង់ Ultra-Thin flexible glass (UTG) ។ ស្មាតហ្វូន Galaxy Z Fold 2 ប្រើប្រាស់នូវបន្ទះឈីប Snapdragon 865+ 5G platform, 12GB LPDDR5 memory, UFS 3.1 flash storage និងម៉េមូរីទំហំ 512GB។ ស្មាតហ្វូននេះមានកាមេរ៉ាខាងមុខទំហំ 10MP selfie និងកាមេរ៉ាខាងក្រោយទំហំ 12MP main lens + 64MP telephoto lens + 12MP ultra-wide-angle lens ។កាមេរ៉ានេះគឺមានការទ្រទ្រង់នូវ HDR10+, 2x optical zoom និង 10x digital zoom។ ស្មាតហ្វូននេះគឺមានថាមពលថ្មទំហំ 4500mAh និងទ្រទ្រង់នូវបច្ចេកវិទ្យា 25W fast charge ថែមទៀតផង៕