សម្រាប់អេក្រង់ដែលអាចបត់បានគឺមានការពង្រឹងកាន់តែខ្លាំងក្លាឡើងនាពេលថ្មីៗនេះ។ ចាប់តាំងពីមានការចាប់ផ្តើមនោះ សម្រាប់គ្រាប់ពូជនៃអេក្រង់ថ្មីនេះគឺមានទម្រង់ដូចជាស្មាតហ្វូន ទូរទស្សន៍ និងផ្នែកជាច្រើនទៀតផងដែរ។ ពេលនេះ ក្រុមហ៊ុនបច្ចេកវិទ្យា LG បានប៉ាតង់ទៅលើផលិតផលថ្មីមួយដែលមានការឌីស្សាញជាមួយនឹងអេក្រង់ដែលអាចរមូរបានថែមទៀត។
តាមការបញ្ជាក់នៅក្នុងរបាយការណ៍មួយរបស់ LetsGoDigital នោះ ក្រុមហ៊ុនបច្ចេកវិទ្យាយក្សរបស់កូរ៉េខាងត្បូងនេះក៏មានប៉ាតង់ទៅលើឧបករណ៍អេឡិចត្រូនិចមួយទៅកាន់ការិយាល័យ USPTO (United States Patent and Trademark Office) នៅក្នុងឆ្នាំ 2019 នេះ។ នេះគឺទទួលបាននូវការអនុម័តកាលពីដើមខែនេះជាមួយនឹងគំនូសព្រាងជាច្រើនផងដែរ។ បើមើលទៅលើរូបភាពទាំងនេះ ឧបករណ៍នេះគឺមានអេក្រង់ដែលអាចរមូរបាន។
បើមើលទៅលើទំហំនោះ វាមានរូបរាងតូចនិងងាយស្រួលក្នុងការកាន់ថែមទៀត។ អេក្រង់នេះគឺជាប្រភេទ OLED ដែលអាចរមូរបានដែលស្រដៀងគ្នាទៅនឹង Signature TV R ដែលមានអេក្រង់រមូរបាននោះ។ វាក៏មាន Power Button នៅផ្នែកខាងលើនៃអេក្រង់ឧបករណ៍នេះផងដែរ។ រូបភាពជាច្រើនមានការបង្ហាញថា អ្នកប្រើប្រាស់ជាច្រើនអាចទាញអេក្រង់នេះបាននៅពេលដែលអ្នកត្រូវការផងដែរ។
នៅក្នុងខណៈពេលនេះ វានៅមិនទាន់ច្បាស់នោះទេអំពីគោលបំណងនៃឧបករណ៍នេះ។ មុខងារដែលគួរអោយចាប់អារម្មណ៍មួយទៀតនោះគឺមានប៊ិច Stylus ដែលពិតជាងាយស្រួលក្នុងការប្រើប្រាស់មែនទែន។ សម្រាប់ឈ្មោះរបស់ផលិតផលនេះនៅមិនទាន់ដឹងនៅឡើយទេ ហើយលក្ខណៈសម្បត្តិរបស់វានៅមិនទាន់ច្បាស់ផងដែរ។ វាអាចនឹងបង្ហាញខ្លួននៅព្រឹត្តិការណ៍ CES 2021 ខាងមុខនេះ៕
