ជាមួយនឹងការដាក់ទណ្ឌកម្មជាច្រើនចេញពីសហរដ្ឋអាមេរិកនោះ ក្រុមហ៊ុន Huawei មានរារាំងមិនអោយទទួលបាននូវការទិញយកនូវបន្ទះឈីបជាច្រើន ឬការផលិតនូវបន្ទះឈីបនោះទេ ប្រសិនបើពួកគេប្រើប្រាស់នូវបច្ចេកវិទ្យារបស់អាមេរិកនោះ។ ស្ថានភាពរបស់ក្រុមហ៊ុន Huawei គឺកាន់តែអាក្រក់ពីមួយថ្ងៃទៅមួយថ្ងៃ ប៉ុន្តែពេលនេះវាក៏មានដំណឹងវិជ្ជមានផងដែរ។
តាមការបញ្ជាក់នៅក្នុងរបាយការណ៍មួយចេញពីចិនបានអោយដឹងថា ក្រុមហ៊ុន Intel បានកាន់កាប់ទៅលើអាជ្ញាបណ្ឌមួយរបស់សហរដ្ឋអាមេរិក នៅក្នុងការបន្តអាជីវកម្មរបស់ខ្លួនជាមួយនឹងក្រុមហ៊ុន Huawei ដែលនេះមានន័យថា ក្រុមហ៊ុនបច្ចេកវិទ្យាយក្សរបស់ចិននេះនឹងអាចបន្តក្នុងការផលិតនូវកុំព្យូទ័ររបស់ខ្លួនផងដែរ។ នេះគឺជាការអភិវឌ្ឍដ៏ធំមួយរបស់ក្រុមហ៊ុនបច្ចេកវិទ្យារបស់ចិននេះ ហើយវាក៏ផ្តល់នូវក្តីសង្ឃឹមមួយសម្រាប់ក្រុមហ៊ុនបច្ចេកវិទ្យានេះផងដែរ។ វាមិនទាន់មានការអភិវឌ្ឍទៅលើអាជ្ញាបណ្ណពិសេសណាមួយនោះទេសម្រាប់អាជីវកម្មស្មាតហ្វូននោះ។
ប្រភពនេះ បានបានបន្តថា ក្រុមហ៊ុន AMD ក៏ទទួលបាននូវអាជ្ញាបណ្ណដោយសហរដ្ឋអាមេរិកក្នុងការបន្តនូវអាជីវកម្មរបស់ខ្លួនជាមួយនឹងក្រុមហ៊ុនជាច្រើនរបស់ចិន ដែលស្ថិតនៅក្នុងបញ្ជីខ្មៅ Entity List ផងដែរ។ ក្រុមហ៊ុនបច្ចេកវិទ្យានេះមិនទាន់ទម្លាយនូវឈ្មោះរបស់ក្រុមហ៊ុនទាំងនេះនៅឡើយទេដែលក្រុមហ៊ុននេះនឹងធ្វើអាជីវកម្មជាមួយនោះ។ ឆាប់ៗនេះ អាជ្ញាបណ្ណជាច្រើននឹងផ្តល់អោយក្រុមហ៊ុនជាច្រើនរបស់អាមេរិក ក្នុងការធ្វើការជាមួយនឹងក្រុមហ៊ុនបច្ចេកវិទ្យាយក្សរបស់ចិន Huawei ផងដែរ៕
