គិតចាប់ពីដើមឆ្នាំមកទល់នឹងពេលនេះ ក្រុមហ៊ុន Samsung បានបង្ហាញនូវស្មាតហ្វូន Flagship ជាច្រើននៅក្នុងឆ្នាំនេះ ក្នុងនោះមានទាំងម៉ូឌែល Galaxy S20 series និង Galaxy Note20 series។ នៅពេលនេះ ក្រុមហ៊ុនបច្ចេកវិទ្យាយក្សរបស់ប្រទេសកូរ៉េខាងត្បូងនេះ ក៏បានត្រៀមខ្លួនក្នុងការបង្ហាញនូវស្មាតហ្វូន Samsung Galaxy S21 series នៅឆ្នាំក្រោយនេះផងដែរ។ បើទោះបីជាវាមានរយៈពេលជាច្រើនខែទៀតក្នុងការប្រកាសបង្ហាញនូវស្មាតហ្វូន Galaxy S21 ក៏ដោយ ក៏មានព័ត៌មានលម្អិតជាច្រើនអំពីស្មាតហ្វូននេះ មិនរងចាំយូរទេ គឺមានការបែកធ្លាយនៅលើអនឡាញផងដែរ។ ស្មាតហ្វូន Samsung Galaxy S21 Ultra នេះ ក៏មានការបង្ហាញខ្លួននៅក្នុងបញ្ជីTUV Rheinland ផងដែរ គឺមានលេខម៉ូឌែល SM-G998 ។
ក្រុមហ៊ុន Samsung នឹងប្រើប្រាស់នូវថាមពលថ្មនេះ ជាមួយនឹងលេខម៉ូឌែល EB-BG998ABY ដែលមានទំហំ 5,000mAh ។ ស្មាតហ្វូននេះ គឺមានបច្ចេកវិទ្យា 60W fast charging technology ផងដែរ។ នៅក្នុងបញ្ជីរបស់ 3C នេះមានការបញ្ជាក់ថា ស្មាតហ្វូន Galaxy S21 នេះ គឺមានថាមពលថ្មទំហំ3,880mAh ខណៈពេលដែលស្មាតហ្វូន Galaxy S21 Plus គឺមានថាមពលថ្មទំហំ 4,660mAh ។
ស្មាតហ្វូន Flagship នាពេលខាងមុខនេះរបស់ក្រុមហ៊ុន Samsung នេះគឺមានបន្ទះឈីប 5nm Exynos ខណៈពេលដែលម៉ូឌែលជាច្រើនទៀតគឺមានបន្ទះឈីប Qualcomm Snapdragon 875 SoC ជំនួសអោយបន្ទះឈីប Exynos។ ក្រុមហ៊ុននេះ គឺមានកាមេរ៉ាខាងមុខទំហំ 40MP selfie នៅលើស្មាតហ្វូន S21 Ultra។ ស្មាតហ្វូននេះ គឺមានកាមេរ៉ា 4 គ្រាប់នៅខាងក្រោយដែលមានទំហំ 108MP ISOCELL HM2 sensor ជាមួយនឹងកាមេរ៉ា 12MP ultra-wide, 10MP telephoto lens និង telephoto lens5x optical zoom ផងដែរ។ ស្មាតហ្វូននេះ គឺមានកាមេរ៉ាខាងក្រោមអេក្រង់ថែមទៀតផង៕