កាលពីប៉ុន្មានថ្ងៃមុននេះ ក្រុមហ៊ុន Apple បានបង្ហាញនូវនាឡិកា Watch Series 6, Watch SE រួមជាមួយនឹងម៉ូឌែល iPad ថ្មី និង iPad Air នៅក្នុងព្រឹត្តិការណ៍ពិសេសមួយនោះគឺ Time Flies’ ។ ពេលនេះ ក្រុមហ៊ុនបច្ចេកវិទ្យានេះក៏ត្រៀមខ្លួនក្នុងការរៀបចំនូវព្រឹត្តិការណ៍ពិសេសមួយនៅក្នុងប៉ុន្មានសប្តាហ៍នេះជាមួយនឹងវត្តមានរបស់ស្មាតហ្វូន iPhone 12 ផងដែរ។ ខណៈពេលដែលក្រុមហ៊ុនបច្ចេកវិទ្យានេះនៅមិនទាន់បញ្ជាក់នៅពេលណាដែលព្រឹត្តិការណ៍ក្រោយនេះនឹងធ្វើឡើងនោះ របាយការណ៍ចុងក្រោយនេះគឺថា ព្រឹត្តិការណ៍នៃការប្រកាសបង្ហាញនូវ iPhone 12 នឹងធ្វើឡើងនៅថ្ងៃទី 13 ខែតុលា។ វាក៏មានការបន្ថែមថា ការកម្មង់ទិញមុនរបស់ស្មាតហ្វូននេះគឺចាប់ផ្តើមនៅថ្ងៃទី 16 ខែតុលាផងដែរ។
របាយការណ៍ថ្មីមួយទៀតអះអាងថា ក្រុមហ៊ុនបច្ចេកវិទ្យា Apple ត្រៀមខ្លួនក្នុងការបង្កើននូវផលិតផលថ្មីរបស់ខ្លួន ហើយតាមការធ្វើបទបង្ហាញរបស់នាយកប្រតិបត្តិ CEO Marc Allera ទម្លាយថា ក្រុមហ៊ុនបច្ចេកវិទ្យាApple ក៏ត្រៀមខ្លួនក្នុងការប្រកាសបង្ហាញនូវ 5G iPhones នៅក្នុងរយៈពេលប៉ុន្មានថ្ងៃនេះផងដែរ។ ក្រុមហ៊ុន Apple ត្រៀមខ្លួនក្នុងការប្រកាសចេញនូវស្មាតហ្វូន iPhone ចំនួន 4 ម៉ូឌែល ហើយឈ្មោះរបស់ស្មាតហ្វូននេះ គឺមានការបែកធ្លាយនៅលើអនឡាញផងដែរ។ ក្នុងនោះ មានស្មាតហ្វូន 5.4 អ៊ីង ដែលនឹងមានឈ្មោះហៅថា Apple iPhone 12 Mini ។ស្មាតហ្វូនម៉ូឌែលទំហំ 6.7-inch នឹងមានឈ្មោះហៅថា iPhone 12 Pro Max ខណៈពេលដែលស្មាតហ្វូន ២ ទៀតគឺមានអេក្រង់ទំហំ 6.1-inch ដែលមានឈ្មោះហៅថា iPhone 12 និង iPhone 12 Pro ។
របាយការណ៍ជាច្រើនអះអាងថា សម្រាប់ម៉ូឌែល 6.1-inch និង 6.7-inchរបស់ស្មាតហ្វូន iPhone 12 នេះនឹងមាន notch ដូចគ្នាទៅនឹងស្មាតហ្វូនម៉ូឌែល iPhone 11 ។ ស្មាតហ្វូន iPhone 12 អាចនឹងមានតម្លៃចន្លោះពី $699 ទៅ $749 ខណៈពេលដែល iPhone 12 Max គឺមានតម្លៃ $799-849 ។ សម្រាប់ម៉ូឌែល Pro a និង Pro Max គឺមានតម្លៃចន្លោះពី $1,100 ទៅ $1,200 ៕