ក្រុមហ៊ុន Samsung បានប្រកាសបង្ហាញវត្តមានរបស់ស្មាតហ្វូន Galaxy S20 FE ឬ Fan Edition នៅថ្ងៃនេះ។ នេះគឺជាអ្វីដែលក្រុមហ៊ុនបច្ចេកវិទ្យានេះសម្រេចចិត្តហៅទៅលើម៉ូឌែលចុងក្រោយបំផុតរបស់ខ្លួននៃត្រកូលស្មាតហ្វូន Galaxy S20 បើទោះបីជាស្មាតហ្វូននេះគឺជាជំនាន់ថ្មីរបស់ស្មាតហ្វូន Galaxy S10 Lite ក៏ដោយនោះ។
ក្រុមហ៊ុន Samsung បាននាំយកនូវស្មាតហ្វូន Galaxy S20 FE ដែលជាស្មាតហ្វូនប្រភេទ “flagship” ហើយនេះគឺជាអ្វីដែលក្រុមហ៊ុននេះមិនប្រើប្រាស់នូវឈ្មោះថា “Lite” ហើយក៏ប្រើប្រាស់នូវឈ្មោះថា Fan Edition ជំនួសវិញ។ វាមានការបញ្ជាក់នៅក្នុងព្រឹត្តិការណ៍មួយនៅក្នុងថ្ងៃនេះដែលមានវត្តមានរបស់ស្មាតហ្វូន Fan Edition ជាច្រើនទៀតដែលនឹងបន្តក្នុងការប្រកាសបង្ហាញខ្លួននៅក្នុងរយៈពេលជាច្រើនឆ្នាំបន្តទៀត។
ក្រុមហ៊ុន Samsung បញ្ជាក់នៅថ្ងៃនេះថា ខ្លួននឹងប្រកាសបង្ហាញនូវស្មាតហ្វូន Fan Editionថ្មីជាច្រើនម៉ូឌែលជារៀងរាល់ឆ្នាំ។ នេះមានន័យថា នេះគឺជាស្មាតហ្វូនប្រភេទ Flagship ដែលមានតម្លៃសមរម្យក្នុងការប្រើប្រាស់ផងដែរ។ ស្មាតហ្វូនGalaxy S20 FE នេះគឺមានអេក្រង់កម្រិតដល់ទៅ 120Hz refresh rate និងថាមពលថ្មទំហំ 4,500mAh ។ ដើម្បីធ្វើអោយតម្លៃរបស់ស្មាតហ្វូននេះរាងទាបបន្តិចនោះ ក្រុមហ៊ុនបច្ចេកវិទ្យាSamsung បានប្រើប្រាស់នូវផ្លាស្ទិកនៅផ្នែកខាងក្រោយ និងអេក្រង់រាបស្មើផងដែរ។ ស្មាតហ្វូននេះគឺមានពណ៌ច្រើនសម្រាប់ធ្វើការជ្រើសរើសផងដែរ៕
