ក្រុមហ៊ុន Samsung បានបង្ហាញនូវវត្តមានរបស់ស្មាតហ្វូន Galaxy S20 FE ឬ “Fan Edition” នៅថ្ងៃនេះ។ ក្រុមហ៊ុនបច្ចេកវិទ្យានេះក៏ប្រកាសបង្ហាញនូវម៉ូឌែលថ្មីនេះដែលមានការនាំយកនូវមុខងារជាច្រើនដូចទៅនឹងស្មាតហ្វូន Galaxy S20 ហើយនេះគឺជាស្មាតហ្វូនប្រភេទ Flagship ដែលមានតម្លៃសមរម្យក្នុងការប្រើប្រាស់ថែមទៀត។ ក្រុមហ៊ុនបច្ចេកវិទ្យានេះ ហៅឈ្មោះស្មាតហ្វូននេះថាជា “premium flagship” ។
នៅក្នុងការប្រកាសបង្ហាញនៅថ្ងៃនេះ ស្មាតហ្វូននេះអាចនឹងក្លាយជាចំណុចនៃការលក់របស់ស្មាតហ្វូនប្រភេទ Flagship របស់ក្រុមហ៊ុននេះថែមទៀត។ អតិថិជនជាច្រើនអាចធ្វើការ Pre-order ទៅលើស្មាតហ្វូននេះបាននៅថ្ងៃនេះ។ ស្មាតហ្វូននេះមានប្រភេទLTE និង 5G ផងដែរ។ ក្រុមហ៊ុនបច្ចេកវិទ្យា Samsung បញ្ជាក់ថា ស្មាតហ្វូន Galaxy S20 FE នេះគឺចាប់ផ្តើមជាមួយនឹងតម្លៃ $699សម្រាប់ប្រភេទ 5G នៅក្នុងសហរដ្ឋអាមេរិក។ សម្រាប់ទំហំរបស់វាគឺ 6GB និង 128GB Storage ។ សម្រាប់តម្លៃរបស់ស្មាតហ្វូននេះនៅអ៊ឺរ៉ុបប្រហែលជាខ្ពស់ជាងនេះបន្តិច។
ចំណែកប្រភេទ LTE របស់ស្មាតហ្វូននេះគឺចាប់ផ្តើមជាមួយនឹងតម្លៃ 649 euro ខណៈពេលដែលទំហំ 8GB / 256GB គឺមានតម្លៃចាប់ផ្តើមពី 719 euro ។ស្មាតហ្វូន Galaxy S20 FE 5G មានតម្លៃ 749 និង 819 euro សម្រាប់ទំហំ 6/128GB និង 8/256GB ។ សម្រាប់ពណ៌របស់ស្មាតហ្វូននេះមានដូចជា Cloud Red, Cloud Orange, Cloud Lavender, Cloud Mint, Cloud Navy និង Cloud White ។ លោកអ្នកអាចធ្វើការ Pre-order ទៅលើស្មាតហ្វូននេះបាននៅលើគេហទំព័ររបស់ Samsung.com ។ ស្មាតហ្វូននេះនឹងចាប់ផ្តើមដាក់លក់នៅថ្ងៃទី 2 ខែតុលាខាងមុខនេះ៕