នៅថ្ងៃនេះ ក្រុមហ៊ុន Samsung Electronics បានប្រកាសបង្ហាញនូវភាពជាដៃគូថ្មីជាមួយនឹងក្រុមហ៊ុនឌីស្សាញ d’strict ដែលមានមូលដ្ឋាននៅក្នុងទីក្រុងសេអ៊ូល ដើម្បីធ្វើការបង្ហាញនូវសិល្បៈនៃការផ្សព្វផ្សាយថ្មីនៅលើអេក្រង់ផ្សព្វផ្សាយពាណិជ្ជកម្មតាមរយៈអេក្រង់ SMART signage ដែលនាំមុខគេរបស់ក្រុមហ៊ុន Samsung ។ នៅក្នុងការជម្រុញនៃការបំផុសគំនិតឆ្លើយតបទៅនឹងការឌីស្សាញរបស់ក្រុមហ៊ុន d’strict’ នេះនៅលើឧបករណ៍ SMART signage របស់ក្រុមហ៊ុនបច្ចេកវិទ្យា Samsung។ ក្រុមហ៊ុន Samsung និង d’strict គឺនាំយកនូវឧបករណ៍ digital signage ដ៏មានសក្តានុពលខ្លាំងក្លាបំផុតដែលគ្មានដែនកំនត់នោះទេ។
លោក Hyesung Ha នាយកប្រតិបត្តិជាន់ខ្ពស់របស់អាជីវកម្ម Visual Display Business នៅក្នុងក្រុមហ៊ុន Samsung Electronics បាននិយាយថា “កិច្ចសហប្រតិបត្តិការនេះនឹងជួយផ្តល់អោយនូវឱកាសជាច្រើនសម្រាប់អេក្រង់ Samsung SMART signage នេះ ហើយវានឹងជួយអាជីវកម្មជាច្រើនក្នុងការប្រើប្រាស់នូវអេក្រង់នេះដើម្បីបង្ហាញនូវការផ្សព្វផ្សាយរបស់ពួកគេផងដែរ។ កិច្ចសហការគ្នានេះគឺជាចក្ខុវិស័យសម្រាប់ ‘Screens Everywhere’ vision និងការបង្ហាញនូវមាតិកាជាច្រើននៅលើបច្ចេកវិទ្យាអេក្រង់ចុងក្រោយបំផុតថែមទៀត។”
ក្រុមហ៊ុនជាច្រើនក៏នឹងធ្វើការបង្កើតនូវសិល្បៈជាច្រើនទៅកាន់អតិថិជនរបស់ខ្លួនតាមរយៈអេក្រង់ឌីជីថល Samsung SMART signagesនិងការបង្ហាញនូវគម្រោងសិល្បៈជាច្រើនតាមរយៈអេក្រង់ LED signages របស់ក្រុមហ៊ុន Samsung ដែលមានការតម្លើងនៅលើកន្លែងធំៗជាច្រើនដូចជា Times Square នៅក្នុងទីក្រុងញ៉ូវយ៉ក និង Duomo Cathedral នៅក្នុងទីក្រុងមីឡានផងដែរ។
លោក Sung-Ho Lee នាយកប្រតិបត្តិរបស់ក្រុមហ៊ុន d’strict បាននិយាយថា “យើងមានមោទនភាពណាស់ក្នុងការសហការជាមួយនឹងក្រុមហ៊ុន Samsung Electronics ក្នុងការនាំយកនូវមាតិកាជាច្រើន ដែលយើងបានខិតខំក្នុងការបង្កើតនោះ។ ក្រុមហ៊ុន d’strict នឹងបង្កើតនូវទស្សនៈថ្មីសម្រាប់សាធារណជនដើម្បីរីករាយក្នុងការចាប់ដៃគូជាមួយនឹងក្រុមហ៊ុន Samsung ផងដែរ។” ក្រុមហ៊ុនឌីស្សាញនេះ គឺផ្តោតទៅលើការបង្កើតនូវបទពិសោធន៍ជាច្រើនដ៏អស្ចារ្យបំផុតជាមួយនឹងមាតិកា និងបច្ចេកវិទ្យាឌីជីថលថែមទៀត ក្រុមហ៊ុន d’strict ក៏ធ្វើអោយមានការអង្រួនពិភពលោកនៅក្នុងខែឧសភា ឆ្នាំ 2020 ផងដែរ។ វាក៏មានអេក្រង់គែមកោងរបស់អេក្រង់ SMART LED signageរបស់ក្រុមហ៊ុន Samsung នៅក្នុងប្រទេសកូរ៉េខាងត្បូង ដែលមានទីទាំងនៅអាគារ SMTown COEX ផងដែរ៕
