បន្ទាប់ពីការបង្ហាញនូវស្មាតហ្វូន Galaxy S20 និង Note 20 នោះ ស្មាតហ្វូន Galaxy S20 FE នេះ គឺជាស្មាតហ្វូនដែលអ្នកគាំទ្ររបស់ក្រុមហ៊ុន Samsung ដែលទន្ទឹងរង់ចាំ ដោយសារតែស្មាតហ្វូននេះ គឺមានលក្ខណៈសម្បត្តិខ្លាំងក្លា ប៉ុន្តែតម្លៃរបស់វាក៏សមរម្យក្នុងការប្រើប្រាស់ផងដែរ។
ស្មាតហ្វូននេះ គឺមានការបែកធ្លាយនៅក្នុងរូបភាពជាច្រើនរបស់គណនី Youtuber @jimmyispromo ។ ស្មាតហ្វូននេះ គឺមានពណ៌ខៀវយ៉ាងស្រស់ស្អាត។ បន្ថែមពីនេះទៀតនោះ ស្មាតហ្វូននេះ គឺមាន IP68 ហើយវាក៏មានកាមេរ៉ា 8-megapixel telephoto ជាមួយនឹង 3x optical និង 30x hybrid zoom ។
ស្មាតហ្វូន Samsung Galaxy S20 FE នឹងប្រកាសបង្ហាញខ្លួននៅថ្ងៃទី 23 ខែកញ្ញានេះនៅវេលាម៉ោង 17:00 នៅក្នុងទីក្រុងម៉ូស្គូ។ ស្មាតហ្វូន Galaxy S20 Fan Edition នឹងមានលក្ខណៈសម្បត្តិជាច្រើនដូចទៅនឹងស្មាតហ្វូន Galaxy S20។
ស្មាតហ្វូននេះគឺមានអេក្រង់រាបស្មើ AMOLED ជាមួយនឹងរន្ធប្រហោង Punch-Hole។ ស្មាតហ្វូន Galaxy S20 FE នេះគឺមានអេក្រង់តូចជាងស្មាតហ្វូន S20+ ។ អេក្រង់នេះគឺមានចន្លោះពី 6.4 ទៅ 6.5-inches ។
ស្មាតហ្វូននេះនឹងមាន 6 ពណ៌ក្នុងការជ្រើសរើស។ ស្មាតហ្វូននេះ អាចនឹងប្រើប្រាស់នូវបន្ទះឈីប Exynos 990 ឬបន្ទះឈីប Snapdragon 865។ ស្មាតហ្វូននេះគឺមានកាមេរ៉ា 3 គ្រាប់ដែលមានទំហំ 12MP primary, 12MP ultrawide និង 8MP telephoto។
ស្មាតហ្វូននេះគឺមានគែមខាងស្តាំជាមួយនឹងប៊ូតុង Power និងប៊ូតុង Volume ។ ស្មាតហ្វូននេះមាន IP68 និងថាមពលថ្មទំហំ 4,500mAh ជាមួយនឹងបច្ចេកវិទ្យា 25W charging ថែមទៀត៕
