កាលពីមួយខែមុននេះ ក្រុមហ៊ុន Samsung បានបង្ហាញនូវស្មាតហ្វូន Galaxy Note 20 series របស់ខ្លួន។ ហើយពេលនេះមានពាក្យចចាមអារ៉ាមជាច្រើន បាននិយាយពីស្មាតហ្វូនត្រកូល flagship S21/S30(Tentative) Series ខណះដែលមានការបែកធ្លាយនូវព័ត៍មានមួយចំនួនផងដែរ។ ដើម្បីបន្ថែមនូវបច្ចេកវិទ្យាថ្មីៗ ក្រុមហ៊ុន Samsung បានស្នើសុំនូវស្លាកសញ្ញាពាណិជ្ជកម្មសម្រាប់សេនស័រ ISOCELL Vizion 3D ToF sensor ទៅកាន់ការិយាល័យ EUPIO (European Union Intellectual Property Office) ដែលវាអាចនឹងបង្ហាញខ្លួននៅលើស្មាតហ្វូនត្រកូល S series ផងដែរ។
ស្លាកសញ្ញាពាណិជ្ជកម្មនេះ គឺត្រូវគេប្រទះឃើញដោយ LetsGoDigital ដែលជាអ្នកចុះផ្សាយទៅលើប៉ាតង់ និងស្លាកសញ្ញាពាណិជ្ជកម្ម។ កាលពីថ្ងៃទី 18 ខែកញ្ញានេះ នៅក្នុងការិយាល័យ EUIPO បានបញ្ជាក់ថា ក្រុមហ៊ុន Samsung បានទទួលនូវស្លាកពាណិជ្ជកម្ម “ISOCELL Vizion” ហើយវាស្ថិតនៅក្នុងក្រុម Class 9។ នៅក្នុងនោះ ក៏មាន ToF(Time of flight) optical sensors សម្រាប់ស្មាតហ្វូនជាច្រើន 3D modeling និង ToF ផងដែរ។ បន្ថែមពីនេះទៀតនោះ វាក៏មាន Dynamic Vision Sensors(DVS) សម្រាប់វាស់ទៅលើចលនា ពណ៌ និងឥរិយាបទនៃObjects នេះថែមទៀតផង។
នៅក្នុងការបង្ហើបនេះគឺថា ISOCELL Vizion អាចនឹងក្លាយជាសេនស័រ ToF sensor ។ យ៉ាងណាមិញ របាយការណ៍ជាច្រើនមុននេះបញ្ជាក់ថា ក្រុមហ៊ុន Samsung គឺមានគម្រោងក្នុងការបោះបង់ចោលនូវ ToF sensor សម្រាប់ស្មាតហ្វូនត្រកូល S seriesរបស់ខ្លួន។ ក៏មានការរំពឹងថា ក្រុមហ៊ុន Samsung អាចនឹងដាក់អោយដំណើរការនូវ Telephoto lens ជំនួសអោយ ToF sensor ៕
