កាលពីចុងខែកញ្ញាកន្លងទៅនេះ ក្រុមហ៊ុន Realme បានប្រកាសចេញនូវទូរទស្សន៍ឆ្លាតវៃ SLED 4K smart TV ដំបូងបំផុតរបស់ពិភពលោកនៅក្នុងប្រទេសចិន។ នៅថ្ងៃនេះ ក្រុមហ៊ុនបច្ចេកវិទ្យាយក្សរបស់ចិននេះ ក៏បានត្រៀមខ្លួនក្នុងការបង្ហាញនូវព្រឹត្តិការណ៍ថ្មីមួយនៅក្នុងប្រទេសឥណ្ឌា នៅក្នុងការប្រកាសចេញវត្តមានរបស់ស្មាតហ្វូន Realme 7 Pro SE, Realme 7i និងផលិតផល IoT ជាច្រើនទៀតផងដែរ។ ក្រុមហ៊ុននេះ ក៏បានបង្ហាញនូវ platform ដូចគ្នាក្នុងការប្រកាសចេញនូវទូរទស្សន៍ SLED 4K Smart TV ជាមួយនឹង 100W Soundbar សម្រាប់អ្នកប្រើប្រាស់នៅក្នុងប្រទេសឥណ្ឌាផងដែរ។
ទូរទស្សន៍ Realme SLED 4K smart TV នេះគឺមានអេក្រង់ទំហំ 55-inch ដែលមានការទ្រទ្រង់នូវកម្រិតពណ៌ដល់ទៅ 108 percent NTSC ultra-wide color gamut ។ នៅក្នុងវិញ្ញាបនបត្ររបស់ TUV Rheinland នេះគឺមានការកាត់បន្ថយទៅលើពន្លឺពណ៌ខៀវផងដែរ។ តាមការបញ្ជាក់របស់ក្រុមហ៊ុន Realme នេះ សម្រាប់ទូរទស្សន៍ LED TVs ភាគច្រើនគឺមានកម្រិតអេក្រង់ QLED ប្រើប្រាស់នណូវពន្លឺពណ៌ខៀវដែលអាចប្រែក្លាយជាពណ៌សខណៈ ពេលដែលបច្ចេកវិទ្យា SLED technology RGB គឺអាចធ្វើការកាត់បន្ថយនូវពន្លឺពណ៌ខៀវដែលផ្តល់នូវបទពិសោធន៍នៃការទស្សនាយ៉ាងអស្ចារ្យបំផុត។
សម្រាប់ទូរទស្សន៍ SLED TV នេះ គឺមានកម្រិតអេក្រង់ 94.6% និងមានកម្រិតគែមលោហធាតុ 9.5mm ផងដែរជាមួយនឹងជើងទម្ររលោហធាតុផងដែរ។ ក្រុមហ៊ុនបច្ចេកវិទ្យា Realme ក៏មានការថែមជូននូវ wall mount ឥតគិតថ្លៃសម្រាប់ទូរទស្សន៍ SLED 4K TV ផងដែរ។ ទូរទស្សន៍SLED 4K TV នេះ គឺមានវិញ្ញាបនបត្រ Android TV ដែលមានភ្ជាប់ជាមួយនឹង Chromecast និង Google Assistant ។ វាក៏អាចចូលទៅកាន់មាតិកាជាច្រើននៅលើ Netflix, Amazon Prime Video, YouTube និង Google Play ថែមទៀត។ សម្រាប់ទូរទស្សន៍ SLED TV នេះ គឺមានបន្ទះឈីប 64-bit quad-core processor របស់ក្រុមហ៊ុន MediaTek ។
សម្រាប់ទូរទស្សន៍ឆ្លាតវៃនេះ គឺមានមុខងារជាច្រើនដូចជា 2.4GHz/5GHz WI-Fi, Bluetooth 5.0,3x HDMI ports,2x USB ports, tuner, LAN, headphone out និង COAX ផងដែរ។ សម្រាប់ Realme 100W Soundbar នេះគឺមានប្រព័ន្ធ 2.1 channel acoustic system ដែលមានភ្ជាប់ជាមួយនឹង 60W full-range quad speakers និង 40W subwoofer ផងដែរ។ វាក៏មានមុខងារជាច្រើនទៀតដូចជា Bluetooth, AUX, ARC, COAX, OPT និង USB ផងដែរ។ ទូរទស្សន៍ឆា្លតវៃ Realme SLED 4K Smart TV នេះមានពណ៌ខ្មៅដែលមានតម្លៃ Rs 42,999 (~$586) ។ សម្រាប់ Realme 100W Soundbar គឺមានពណ៌ខ្មៅដែលមានតម្លៃ Rs 6,999 (~$95) ។ វានឹងចាប់ផ្តើមដាក់លក់នៅថ្ងៃទី 16 ខែតុលានេះ៕
