ក្រុមហ៊ុន Samsung Group ត្រូវបានគេចាត់ទុកថា ជាក្រុមហ៊ុនធំមួយ ដែលមានប៉ាតង់ជាច្រើនទៅលើការឌីស្សាញស្មាតហ្វូនដែលមានអេក្រង់អាចបត់បាន។ នេះមិនមែនមានន័យថា ក្រុមហ៊ុនបច្ចេកវិទ្យានេះ បោះបង់ចោលទៅលើស្មាតហ្វូនធម្មតារបស់ខ្លួនទេ។ សម្រាប់ស្លាកសញ្ញាពាណិជ្ជកម្មចុងក្រោយនេះ ក៏ពាក់ព័ន្ធទៅនឹងស្មាតហ្វូនដែលមានគែម Bezels ធម្មតាដែរ។
LetsGoDigital ដែលជាក្រុមហ៊ុនមួយដែលឈ្មោះល្បីល្បាញ និងតែងតែបញ្ចេញរឿងរ៉ាវប៉ាតង់ និងស្លាកសញ្ញាពាណិជ្ជកម្មនោះ បានចេញផ្សាយនូវប៉ាតង់ថ្មីមួយ ដែលស្ថិតនៅក្រោមស្លាកសញ្ញាពាណិជ្ជកម្ម “Blade Bezel” ដែលត្រូវបានស្នើសុំដោយក្រុមហ៊ុន Samsung Display ទៅកាន់ស្ថាប័ន KIPO (Korean Intellectual Property Office) កាលពីថ្ងៃទី 16 ខែតុលាកន្លងទៅនេះ។ សម្រាប់ពាក្យសុំទៅលើស្លាកសញ្ញាពាណិជ្ជកម្មនេះ គឺស្ថិតនៅក្នុងថ្នាក់ Class 9 ដែលមានដូចជាអេក្រង់ធំ អេក្រង់ស្មាតហ្វូន អេក្រង់ LCD, LED, OLED អេក្រង់កាមេរ៉ាឌីជីថល និងអេក្រង់វីដេអូផងដែរ។
នៅក្នុងការពិពរណ៌នានេះ គឺមានការបង្ហាញថា ក្រុមហ៊ុន Samsung Display ប្រហែលជាប្រើប្រាស់នូវស្លាកសញ្ញាពាណិជ្ជកម្ម Blade Bezel trademark នេះ សម្រាប់ឧបករណ៍មួយចំនួនដូចជាទូរទស្សន៍ ម៉ូនីទ័រ ស្មាតហ្វូន និងកាមេរ៉ា។ វាមិនមានការបង្ហាញអំពីគែម Bezel របស់វានោះទេ។
សម្រាប់ពាក្យថា “Blade” នេះ គឺមិនមានភាពកោងនោះទេ។ គួរបញ្ជាក់ថា រហូតមកដល់ពេលនេះ មានក្រុមហ៊ុនជាច្រើន បានស្នើសុំនូវប៉ាតង់ និងស្លាកសញ្ញាពាណិជ្ជកម្មនេះ រួចមកហើយវាក៏អាចនឹងមានក្រុមហ៊ុនផ្សេងទៀតប្រើប្រាស់នូវប៉ាតង់នេះបានមុនក៏ថាបាន៕
