សព្វថ្ងៃនេះ ក្រុមហ៊ុនផលិតស្មាតហ្វូនជាច្រើន គឺមានស្បែកមុខសម្រាប់ប្រើប្រាស់នៅលើស្មាតហ្វូនរបស់ពួកគេរៀងៗខ្លួន ប៉ុន្តែ ពួកគេមិនមានប្រព័ន្ធប្រតិបត្តិការផ្ទាល់ខ្លួននៅឡើយទេ ពួកគេ គឺនៅតែប្រើប្រាស់នូវប្រព័ន្ធ Android System រួមគ្នា លើកលែងតែ Apple និង Huawei តែប៉ុណ្ណោះដែល។ ក្រុមហ៊ុន Xiaomi មាន MIUI, Huawei មាន EMUI, OnePlus មាន HydrogenOS/OxygenOS ជាដើម។ សម្រាប់ vivo ដែលជាក្រុមហ៊ុនបច្ចេកវិទ្យាយក្សរបស់ចិននេះ ក៏ប្រើប្រាស់នូវ Funtouch OS ផ្ទាល់ខ្លួនផងដែរ។
ថ្មីៗនេះ យោងតាមរបាយការណ៍មួយ គឺមានការបញ្ជាក់ថា ក្រុមហ៊ុន vivo នឹងជំនួសនូវស្បែកមុខចាស់ Funtouch OS នេះហើយ។ តាមការបញ្ចាក់របស់ @DigitalChatStation នោះ សម្រាប់ UI របស់ក្រុមហ៊ុន vivo នេះនឹងប្រើប្រាស់នូវ Funtouch OS ដែលមានឈ្មោះហៅថា Origin OS ។ តាមការបញ្ជាក់របស់គាត់ បានអោយដឹងថា ប្រព័ន្ធប្រតិបត្តិការនេះ គឺមានការពង្រឹងកាន់តែល្អប្រសើរជាងមុនបើធៀបជាមួយនឹងជំនាន់មុននេះ។
ប្រព័ន្ធនេះ គឺមានភ្ជាប់ជាមួយនឹងមុខងារជាច្រើនដែលពង្រឹងទៅលើ UI របស់ខ្លួន។ បន្ថែមពីនេះទៀតនោះ របាយការណ៍ជាច្រើននេះ បាននិយាយថា ប្រព័ន្ធនេះ អាចនឹងបង្ហាញខ្លួននៅចន្លោះខែវិច្ឆិកា និងខែធ្នូនេះ ហើយវានឹងមានស្មាតហ្វូនមួយទៀត ដែលមានឈ្មោះហៅថា vivo X60 series ។ សម្រាប់ពាក្យថា Origin OS នេះគឺមានន័យថា “original operating system”។
ក្រុមហ៊ុននេះ បានបញ្ជាក់ថា ប្រព័ន្ធនេះ គឺមានភ្ចាប់ជាមួយនឹង vivo UI ថែមទៀតផង។ នៅក្នុងរយៈពេលដូចគ្នាទៅនឹងឆ្នាំមុននេះ សម្រាប់ @JoviOS_小诸葛 ក៏បានបង្ហោះនៅលើ Weibo ជាមួយនឹងការបង្ហាញនូវ version ថ្មីរបស់ប្រព័ន្ធ system-JoviOS ផងដែរ។ ថ្មីៗនេះ ក្រុមហ៊ុន vivo ក៏ធ្វើការផ្តោតទៅលើបច្ចេកវិទ្យា 6G ផងដែរ។ លោក Qin Fei បាននិយាយថា នៅក្នុងពេលនេះ ក្រុមហ៊ុន vivo ក៏បាននិងកំពុងតែធ្វើការស្រាវជ្រាវនៅលើបច្ចេកវិទ្យា 6G ផងដែរ នៅក្នុងនោះ ក្រុមហ៊ុនក៏មានការអភិវឌ្ឍទៅលើស្មាតហ្វូន វ៉ែនតា AR/VR glasses និងរ៉ូបូតជាច្រើនទៀតទៅលើបច្ចេកវិទ្យា 6G នេះផងដែរ៕