នៅថ្ងៃនេះ មានការបែកធ្លាយជាច្រើនអំពីស្មាតហ្វូនថ្មី Huawei Nova 8 SE ដែលមានការបង្ហាញកាលពីមួយសប្តាហ៍មុននេះដែលមានការទម្លាយអំពីលក្ខណៈសម្បត្តិជាច្រើន និងការឌីស្សាញរបស់វា។ នៅពេលនេះ Digital Chat Station ក៏មានការទម្លាយចេញរូបភាពពិតៗរបស់ស្មាតហ្វូននេះនៅលើវេបសាយ។ ស្មាតហ្វូននេះ មិនមានកាមេរ៉ាស្រដៀងគ្នាទៅនឹងស្មាតហ្វូន iPhone 12 នោះទេ ប៉ុន្តែវាមានគែមរាបស្មើ។ រូបភាពនេះ គឺមានការបង្ហាញយ៉ាងច្បាស់ថា ស្មាតហ្វូននេះមិនល្អជាងស្មាតហ្វូនដែលមានគែមរាងមូលនោះទេ។
ស្មាតហ្វូន Huawei Nova 8 SE នេះគឺមានការឌីស្សាញស្រដៀងគ្នាទៅនឹងស្មាតហ្វូនគែមរាបស្មើរបស់ក្រុមហ៊ុន Apple។ នៅក្នុងពេលនេះ មានការបញ្ជាក់អំពីលក្ខណៈសម្បត្តិជាច្រើន និងបច្ចេកវិទ្យា 66-W fast charging ថែមទៀតផង។ អ្នកទម្លាយ Weibo នេះ បានទម្លាយថា ស្មាតហ្វូន Nova 8 series នេះ នឹងប្រកាសបង្ហាញខ្លួននៅក្នុងខែវិច្ឆិកានេះហើយ។ ប្រភពដដែលនេះ បានបញ្ជាក់ថា ស្មាតហ្វូនត្រកូល Huawei Nova 8 នេះនឹងមានម៉ូឌែលប្រភេទ Huawei Nova 8 និង Huawei Nova 8 Pro ថែមទៀត។ ស្មាតហ្វូននេះមានលេខកូដ “Jessica” និង “JessicaH”។
ស្មាតហ្វូនថ្មីនេះ ត្រូវបានគេនិយាយថា គឺមានកម្រិតអេក្រង់ 120Hz refresh rate និងមានអេក្រង់ប្រភេទ dual-hole hyperboloid ផងដែរ។ ស្មាតហ្វូន Nova 8 series ថ្មីនេះ ត្រូវបានទទួលនូវការអនុម័តដោយក្រសួងឧស្សាហកម្ម និងបច្ចេកវិទ្យាព័ត៌មានរួចហើយ ដែលអាចនឹងបង្ហាញខ្លួននៅក្នុងខែវិច្ឆិកានេះហើយ៕