យើងបានដឹងហើយថា ស្មាតហ្វូន Huawei Mate 40 series បានបង្ហាញខ្លួនជាផ្លូវការនៅក្នុងប្រទេសចិនកាលពីថ្ងៃទី 30 ខែតុលា កន្លងទៅថ្មីៗនេះ ហើយការបង្ហាញខ្លួននេះ ក្រុមហ៊ុន Huawei ក៏មានការបញ្ចេញនូវមុខងារមួយចំនួនរបស់ស្មាតហ្វូននេះផងដែរ។ ស្មាតហ្វូន Mate 40 series នេះមាន 4 ម៉ូឌែលនោះគឺ Mate40, Mate40 Pro, Mate40 Pro + និង Mate40 RS Porsche Design ផងដែរ។ ស្មាតហ្វូនទាំងនេះ គឺពិតជាលក់ដាច់ខ្លាំងលឿនមែនទែន។
តាមការបញ្ជាក់នៅក្នុងការទម្លាយចុងក្រោយនេះ ស្មាតហ្វូន Huawei Mate 40 Pro នេះ មានភ្ជាប់ជាមួយនឹងបច្ចេកវិទ្យាសាកថ្មល្បឿនលឿនកម្រិត 66W Fast Charge ដែលមានថាមពលថ្មទំហំ 4400mAh។ ជាមួយនឹងនិងការសាកបញ្ចូលថាមពល ចាប់ពី 1% ទៅ 100% គឺចំណាយពេលវេលាត្រឹមតែ 49 នាទីប៉ុណ្ណោះ។ អ្នកធ្វើតេស្តក៏មានបង្ហាញចេញនូវលទ្ធផលនៃការធ្វើតេស្តនៅក្នុង @DigitalChatStation នេះ ដោយមានការបង្ហាញអំពីការបញ្ចូលថាមពលថ្មពី 1% ទៅ 100% ផងដែរ។ នេះគឺជាការបញ្ចូលថាមពលថ្មរបស់ស្មាតហ្វូន Mate 40 Pro។
ការតេស្តបច្ចេកវិទ្យាសាកថ្មល្បឿនលឿនរបស់ Huawei Mate 40 series Fast Charge– 66W + 4400 mAh
•រយៈពេល 5 នាទី– 20% (880 mAh)
•រយៈពេល 10 នាទី– 41% (1804 mAh)
•រយៈពេល 15 នាទី– 50% (2288 mAh)
•រយៈបេល 30 នាទី – 86% (3784 mAh)
•រយៈពេល 36 នាទី– 90% (3960 mAh)
•រយៈពេល 44 នាទី– 97% (4268 mAh)
•រយៈពេល 49 នាទី– (4400 mAh)
