បន្ទាប់ពីការបញ្ចេញស្មាតហ្វូនថ្នាក់ប្រណិតដែលមានអេក្រង់ធំៗរបស់រយៈពេលជាច្រើនឆ្នាំមកនេះ នៅពេលនេះ Xiaomi បានងាកមកប្រើអេក្រង់តូចបែប Compact វិញហើយ។ នៅក្នុងព្រឹត្តិការណ៍ កាលពីម្សិលមិញនេះ ក្រៅតែពីការបង្ហាញស្មាតហ្វូន Xiaomi 12 Series ក្រុមហ៊ុននេះក៏មានប្រកាស ចេញនូវស្បែកថ្មី MIUI 13 ផងដែរ។
ស្មាតហ្វូនជំនាន់ថ្មីនេះ បានបង្ហាញខ្លួនជាមួយនឹងអេក្រង់ទំហំ 6.28-inch AMOLED display ដែលនេះ គឺជាស្មាតហ្វូនថ្នាក់ប្រណិតប្រភេទ Android ដែលមានទំហំអេក្រង់តូចបំផុតនៅពេពេលនេះ។ ជាមួយ នឹងអេក្រង់កោងគ្រប់ជ្រុងរបស់ស្មាតហ្វូន Xiaomi 12 គឺបានធ្វើអោយអេក្រង់ស្មាតហ្វូននេះមានទំហំកាន់ តែធំ ដោតវាបានកាត់គែមលើក្រោមបានយ៉ាងស្អាត មើលទៅពិតជាស្អាត និងទាក់ទាញខ្លាំងមែនទែន។ ស្មាតហ្វូននេះមានតួខ្លូនទំហំ 152.7 x 69.9 x 8.16 mm។
តាមការបញ្ជាក់របស់ក្រុមហ៊ុន Xiaomi គឺបានអោយដឹងថា អេក្រង់នេះ គឺអាចបង្ហាញចេញបានក្នុងកម្រិត FHD+ resolution មានល្បឿន 120Hz refresh rate (variable from 1Hz to 120Hz) និងការប៉ះថាច់ 480Hz touch sampling rate។ អេក្រង់នេះ មានកម្រិត 1100nits, 12bit colors ហើយនឹងមានការទ្រ ទ្រង់ជាមួយមុខងារ HDR10+ ព្រមទាំងបច្ចេកវិទ្យា Dolby Vision support ទៀតផង។ អ្វីដែលពិសេស គឺវាមានការការពារដោយកញ្ចក់ Gorilla Glass Victus ផងដែរ។
ស្មាតហ្វូន Xiaomi 12 ត្រូវបានក្រុមហ៊ុនដាក់អោយប្រើប្រាស់ជាមួយបន្ទះឈីប 4nm Snapdragon 8 Gen 1 ដែលជាឈីបជំនាន់ថ្មីរបស់ Qualcomm ដែលមានសមត្ថភាពខ្ពស់ និងមានការបង្កើននូវកម្រិត GPU ហើយនិងបច្ចេកកវិទ្យា AI engine ដោយអាចបង្កើនកម្លាំងបាន 52% និងមានល្បឿនលឿនជាង ឈីបជំនាន់មុនដល់ទៅ 400%។ ជាពិសេសឈីបនេះ គឺអាចជួយគ្រប់គ្រងកំដៅស្មាតហ្វូនជាមួយនឹងទំហំ ដល់ 2600mm² ជាមួយនឹងនិងការប្រើបច្ចេកវិទ្យា super large VC liquid cooling unit។
សម្រាប់ការថតរូប ស្មាតហ្វូន Xiaomi 12 គឺមានកាមេរ៉ាក្រោយចំនួន 3 គ្រាប់ ដែលមានការឌីស្សាញ ប្លែកពីជំនាន់មុនៗ ដោយកាមេរ៉ាគោល គឺមានទំហំ 50MP IMX766 sensor (1/1.56″, 1.0µm) ដែលមានការទ្រទ្រង់នូវមុខងារថ្មី ដែលអាចចាប់រូបភាពបានលឿន និងមានគុណភាពខ្ពស់បំផុត។ ហើយកាមេរ៉ានេះ គឺមានការគាំទ្រដោយ ‘Xiaomi Image Brain’ ដែលជួយដល់ដំណើរការថតបានស្អាត និងតរលូន គ្រប់ស្ថានការណ៌។ សម្រាប់គ្រាប់ទីពីរ គឺមានទំហំ 5MP macro និងគ្រាប់ទីបីមានទំហំ 13MP ultra-wide cameras ខណៈដែលកាមេរ៉ាមុខងារសម្រាប់សែលហ្វីមានទំហំ 32MP។
ងារមកមើលថាមពលវិញ ស្មាតហ្វូន Xiaomi 12 គឺមានថ្មទំហំ 4500mAh មានការគាំទ្រដោយបច្ចេក វិទ្យសាកកម្លាំង 67W wired និង 50W wireless រួមទាំងកម្លាំង 10W wireless reverse charging។ ស្មាតហ្វូននេះ មានការវេចខ្ចប់មកជាមួយនូវប្រព័ន្ធស្កែនម្រាមដៃក្រោមអេក្រង់ផងដែរ។ ស្មាតហ្វូននេះ បង្ហាញវត្តមានជាមួយពណ៌ ខ្មៅ ខៀវ ស្វាត និងបៃតងស្រាល ហើយសម្រាប់តម្លៃវិញ គឺទំហំ 8GB+128GB មានតម្លៃ CNY 3,699 ប្រហែល $580 និងទំហំ 8GB+256GB មានតម្លៃ CNY 3,999 ប្រហែល $628 ហើយនឹងទំហំ 12GB+256GB មានតម្លៃ CNY 4,399 ដែលប្រហែលជា $690។
សម្រាប់ម៉ូដែល Xiaomi 12 Pro គឺមិនខុសពីសិស្សប្អូនរបស់ខ្លួននោះទេ ស្មាតហ្វូននេះ មានអេក្រង់ទំហំ ធំ ដល់ទៅ 6.73-inch display ដែលបង្ហាញចេញបានក្នុងកម្រិត 2K resolution។ ស្មាតហ្វូននេះប្រើប្រាស់ កម្លាំងសាក 120W និងមានការប្រើប្រាស់ប្រព័ន្ធបំពងសម្លេងដែលមានចំនួន 4 ដែលផ្តល់នូវសម្លេងបាន លឺច្បាស់ និងពិរោះជាងស្មាតហ្វូន Xiaomi 12។ ជាមួយនឹងអេក្រង់ធំនេះ ស្មាត ហ្វូន Xiaomi 12 Pro គឺមានវិមាត្រតួខ្លួនទំហំ 163.6 x 74.6 x 8.16mm និងមានកម្រ៉ាស់ស្តើង ហើយនិងមានទម្ងន់ 205g ធ្ងន់ជាសិស្សប្អូន Xiaomi 12។
សម្រាប់កាមេរ៉ាវិញ ស្មាតហ្វូន Xiaomi 12 Pro គឺបានបង្ហាញខ្លួនជាមួយ នឹងកាមេរ៉ាក្រោយចំនួន 3 គ្រាប់ដោយកាមេរ៉ាគោលមានទំហំ 50MP snappers ដែលជាសិនស័រ 50MP IMX707 primary (1/1.28″, 1.22µm) និងគ្រាប់ទីពីរមានទំហំ 50MP telephoto, ខណៈដែលគ្រាប់ ទីបីក៏មានទំហំ 50MP ultra-wide។ ស្មាតហ្វូននេះចេញលក់ជាមួយនឹងជម្រើស 3 ទំហំ គឺ 8GB+128GB មានតម្លៃ CNY 4,699 ($738) និងទំហំ 8GB+256GB មានតម្លៃ CNY 4,999 ($785) ខណៈដែលបងធំគេទំហំ 12GB+256GB មានតម្លៃ CNY 5,399 ($848)។
ងាកមក Xiaomi 12X ដែលជាម៉ូដែលចុងក្រោយគេនេះ គឺមិនខុសពីស្មាតហ្វូន Xiaomi 12 ប៉ុន្មាននោះទេ ខុសគ្នាត្រង់ ស្មាតហ្វូន Xiaomi 12X ត្រូវបានក្រុមហ៊ុននេះដាក់អោយដំណើរការជាមួយ Snapdragon 870 chip ប៉ុណ្ណោះ។ ស្មាតហ្វូននេះ គឺពណ៌ខ្មៅ ខៀវ និងពណ៌ស្វាយ ហើយនិងមានតម្លៃចាប់ពី CNY 3,199 ($502) ឡើងទៅ។ សូមជំរាបថា ស្មាតហ្វូនទាំងបីនេះ គឺមានប្រើប្រាស់ស្បែក MIUI 13 ដែលផ្អែកជាមួយនិង Android 12 ចេញពីប្រអប់តែម្តង។ ស្មាតហ្វូនជំនាន់ថ្មីទាំងបីនេះ គឺនឹងអាចចេញលក់នៅក្នុងប្រទេសចិន ចាប់ពីថ្ងៃទី 31 ខែធ្នូដំណាច់ឆ្នាំនេះហើយ។
